ઉધો સાંભળે અમને શ્યામ, અંતરના આરામ
અંતરના આરામ મારા, મન તણો વિશ્રામ –ટેક
નેહ નથી કરવો નટવરસે, ન લઇશ નટખટનું નામ
પ્રિત કરીને પરહરવા ઇ, કામણગારાનું કામ –1
કાળજ કોર્યા કપટી કાને, અનહદ કરી હેરાન
સંદેશ નથી સાંભળવો એનો, એ ધુતારાનું ધામ –2
અપરાધ શું આવ્યો અમારો, છોડી ગયા ગોકુલ ગામ
વિના મુલ્યની દાસી અમે, ન લેવાનું એક દામ –3
મથુરામાં મોહી પડ્યા, બેઠા કુબ્જાને ધામ
કાળા કાનને કાળી કુબજા, રંગમાં દોઇ સમાન –4
કાળજ વિંધ્યા કાળે કાને, મારી મોહનના બાણ
ભજનપ્રકાશ ભવભવના ભૂલે, નંદકુંવરનું નામ –5
ભજનામૃત + અમૃતવાણી 