મારા વિષે

મિત્રો,
અનંતની યાત્રાએ નીકળેલા આપણે સહું ભિન્ન ભિન્ન માર્ગો પરથી આવીને આજે અહીં મળ્યાં છીએ. ખબર નથી ક્યાં સુધી આપણે અહીં સાથે રહેશું અને ફરી પાછા પોત પોતાના લક્ષ્ય તરફ ગતિ કરતાં વિખૂટા પડશું. જેટલો વખત આપણે અહીં સાથે છીએ તેટલો વખત આ યાત્રાને આનંદથી માણી લઈએ અને એવા કંઈક કાર્યો કરતાં જઈએ કે જે હવેની યાત્રામાં એક સુખદ સંભારણું બની રહે.

મારા વિષે થોડી વાત કરું તો ટૂંકમાં કહેવું હોય તો કહી શકાય કે હું એક ગુજરાતી. ગુજરાતના ભાવનગરમાં મારો જન્મ. ડિપ્લોમા મિકેનિકલ એંજીનીયરીંગ અને પોસ્ટ ડિપ્લોમા ઈન કોમ્પ્યુટર એપ્લિકેશન્સનો અભ્યાસ. બે વર્ષ પ્રોગ્રામર તરીકે જોબ કર્યા પછી સોફ્ટવેર ડેવલપમેન્ટ તથા સોફ્ટવેરને લગતી સેવા આપવાનો સ્વતંત્ર ધંધો શરૂં કર્યો. અધ્યાત્મ મારો પ્રિય વિષય અને જીવનમુક્તિની મારી ઝંખના અને કંઈ નહીં તો છેવટે વિદેહમુક્તિથી ઓછું કશું જ ન ખપે.

અત્રે આપણા ભારતવર્ષના અને આખાય વિશ્વના ચિંતકોના વિચારો સમયે સમયે અને અનુકુળતા મુજબ મુખ્યત્વે ગુજરાતીમાં રજૂ કરવાની મારી નેમ છે. અને આ વિચારોના સહ-ચિંતનમાં આપ સહું ને ભાગીદાર બનવા મારું હાર્દિક નિમંત્રણ છે.

ભજન તે ઈશ્વર પ્રતિ પ્રેમ વ્યક્ત કરવાનું એક સશક્ત માધ્યમ છે. વળી, ભજન દ્વારા ઘણી ગહન અને કઠીન વાત સરળતાથી સમજાવી શકાય છે. આપની પાસે આવા સ્વરચિત કે અન્ય ભક્તોના ભજનો હોય તો તે મોકલશો તો અનુકુળતાએ તેને પ્રકાશિત કરવાનો પુરતો પ્રયત્ન કરીશ.

આપના લેખ Unicode (ગુજરાતી) માં જ લખીને મોકલવા જેથી પ્રકાશિત કરવામાં સરળતા રહે.

મિત્રો, આપણી આ ચિંતન યાત્રામાં આપ અવાર નવાર જોડાતા રહેશો અને આપની પાસે પણ આવા ચિંતનાત્મક સ્વંતત્ર કે કોઈ પણ ચિંતકના લેખો હોય તો તે મોકલતા રહેશો. સમયે સમયે અને અનુકુળતાએ તેને પ્રકાશિત કરવાનો પુરતો પ્રયત્ન કરવામાં આવશે. આપ સલાહ સુચનો અને પ્રતિભાવો આપીને મારા ઉત્સાહમાં વધારો કરશો જ એવી મને પુર્ણ શ્રદ્ધા છે.

લી. આપનો સહ્રદયી અતુલ જાની