Posts Tagged With: શુભેચ્છા

आम आदमी

આમ આદમી

Don’t Underestimate the power of  common man.

I mean आम आदमी.

જો ભ્રષ્ટાચારનો વિરોધ કરવાથી આટલી સફળતા મળતી હોય તો ખરેખર ભ્રષ્ટાચાર દૂર થાય તો આ દેશ ફરી પાછો सोनेकी चिडिया બને તેમાં કોઈ સંશય નથી.

શરુઆત થઈ ચૂકી છે.

આમ આદમી પાર્ટીને ખૂબ ખૂબ અભીનંદન અને ખરેખર આમ આદમી માટે કામ કરનારી પાર્ટી બને તેવી શુભેચ્છાઓ.

Categories: આનંદ, લોકમત | Tags: , , , , | Leave a comment

શુભ દીપાવલી

મીત્રો,

વિક્રમ સંવત ૨૦૬૭ જ્યારે વિદાય લઈ રહ્યું છે અને આ સંવતના છેલ્લા દિવસની પૂર્વ સંધ્યાએ આપ સહુને માટે આ પ્રકાશનો તહેવાર ઉત્સાહ, આનંદ અને સ્વાસ્થ્યપ્રદ રહે તેવી ખૂબ ખૂબ શુભેચ્છાઓ.

આ વર્ષે આપણે ઘણું ઘણું નવું શીખ્યા. એક બાબતને અનેક પ્રકારના દૃષ્ટિકોણથી જોતા શીખ્યા. એક ઘટના કેટલાક લોકો માટે સારી હોય તો તેની તે ઘટના અન્ય લોકો માટે વજ્રઘાત સમાન બની હોય તેવું યે બને.

વાસ્તવમાં કુદરતની કુલ શક્તિનો સરવાળો હંમેશા અચળ રહે છે. દ્રવ્ય અને શક્તિનું માત્ર એક સ્થળેથી અન્ય સ્થળે સ્થળાંતર થાય છે. આપણે જેટલા વધારે સંકુચિત હોઈએ તેટલું આપણને આ સ્થળાંતર વધારે અસર કરે અને જેટલા વિશાળ હ્રદયના તેટલું આ સ્થળાંતર આપણી પર ઓછી અસર કરશે.

આજે શ્રી રામકૃષ્ણ આશ્રમના પ્રવર્તમાન અધ્યક્ષ સ્વામી શ્રી ધૃવેશાનંદજી મહારાજ ભાવનગરના ભક્તોને મળવા આવ્યા હતા. તેઓ આવતી ૯મી તારીખે બાંગ્લાદેશ શ્રી રામકૃષ્ણ આશ્રમનું અધ્યક્ષ પદ સંભાળવા જશે અને રાજકોટમાં નવા અધ્યક્ષ આવશે. જે લોકો માત્ર પોતાને રાજકોટના માને છે તેમને માટે ધ્રુવેશાનંદજીની ખોટ અને બાંગ્લાદેશના ભક્તોને ધ્રુવેશાનંદજીની હાજરી અનુભવાશે. જે લોકો પોતાને સમગ્ર વિશ્વના સમજે છે તેમને માટે સ્વામી શ્રી નું સ્થળાંતર કશી અસર નહી ઉપજાવે કારણકે તેમને માટે સ્વામીજી કોઈ આશ્રમના નથી પરંતુ પોતાના દિલના એક ટુકડા છે.

આપણા બ્લોગ જગતમાં આપણે કેટ કેટલી વિવિધ પૃષ્ઠભુમીમાંથી આવીએ છીએ. જુદા દેશ, જુદા સમય, જુદી રહેણી કરણી અને અનેક પ્રકારની ભીન્નતા આપણી વચ્ચે હોવા છતાં આપણે અહીં સહુ એક પરિવારના બની ગયા છીએ. આપણે સહુ એક બીજાની લાગણી સમજીએ છીએ, એક બીજાના ભાવને અનુભવીએ છીએ. જેવું વાસ્તવિક જગત હોય તેવું જ જાણે કે એક બ્લોગ જગત બની ગયું હોય તેમ નથી લાગતું?

ગુજરાતી બ્લોગ જગત અહીં સુધી પહોંચતા ઘણી કઠીનાઈઓમાંથી પસાર થયું છે. ક્યારેક સંઘર્ષ થયા છે, ક્યારેક મન દુ:ખ થયા છે, ક્યારેક ગેર સમજ થઈ છે તેમ છતાં એકંદરે આપણે સહુ સુમેળથી હળી મળીને રહ્યાં છીએ અને આનંદ અને ઉત્સાહથી બ્લોગ જગતને માણ્યું છે.

આવનારા દિવસોમાં આપણે બ્લોગ-જગતને એક નવી ઉંચાઈએ લઈ જઈએ, એક બીજા સાથે સૌહાર્દતાપૂર્ણ રીતે વર્તીએ, એક બીજાને મુશ્કેલીમાં સહાયરુપ થઈએ અને એક સ્વસ્થ અને સક્ષમ બ્લોગ-જગત વિકસાવીએ તેવી અભ્યર્થના સાથે વીરમું છું.

આપનો સહ્રદયી,

સસ્નેહ

અતુલ જાની – આગંતુક

Categories: ઉત્સવ, ઉદઘોષણા, ઊજવણી | Tags: , , , | 1 Comment

નવા વર્ષની શુભેચ્છાઓ – આગંતુક

Categories: ભારતિય સંસ્કૃતિ | Tags: , , | 4 Comments

શુભેચ્છા પ્રકાશના તહેવારની – આગંતુક


અસતો મા સદગમય:
તમસો મા જ્યોતિર્ગમય:
મૃત્યોર્માં અમૃતં ગમય:
ૐ શાંતિ: શાંતિ: શાંતિ:

વિક્રમ સવંત ૨૦૬૬નો આજે છેલ્લો દિવસ. અમાસ હોવા છતાં તેને ઉજાસનો દિવસ – પ્રકાશનું પર્વ શા માટે કહે છે? અંધારીયું કે અજવાળીયું તે ચંદ્રની કલા ઉપર આધાર રાખે છે. અને તેથી ઉજાસમાં વધ-ઘટ રાત્રે હોય છે. પણ સૂર્યના પ્રકાશમાં દિવસે તેવા કશાં ભેદ નથી. તો દર વર્ષનો છેલ્લો દિવસ સંક્લ્પ કરવાનો દિવસ છે કે આવનારું વર્ષ અમે અમારા દિલમાં ઉજાસ કરશું. રાગ-દ્વેષને ભુલીને માનવતા ખીલવશું. બીજાના સદગુણો અને પોતાના દુર્ગુણો જોતા શીખશું. ક્ષમા, સંતોષ અને પુરુષાર્થને જીવનમંત્ર બનાવીશું. કોઈ પણ માનવીનો તેના દુષ્કૃત્યોને લીધે તીરસ્કાર નહીં કરીએ તેમ જ કોઈ પણ માનવીને તેના સત્કાર્યોને લીધે મોટા ભા નહીં બનાવીએ પણ દરેક માનવીની અંદર રહેલી દિવ્યતાને ઓળખીને સહુની સાથે પ્રેમ-પૂર્ણ વ્યવહાર કરશું. નાના-મોટાના ભેદ-ભાવ ત્યજશું. નાત-જાત અને ધર્મના વાડાને તીલાંજલી આપશું. ફાટ-ફૂટ પડાવનારાઓને ખુલ્લા પાડશુ. અને આવા આવા તો અનેક સંકલ્પોમાંથી એકાદ સંકલ્પ તો જરૂર કરશું.

આવનારુ વિક્રમ સંવત ૨૦૬૭ આપ સહુને માટે મંગલમય, આનંદમય અને ઉત્સાહ-આનંદથી ભરપુર રહે તેવી ખૂબ ખૂબ શુભેચ્છાઓ…..

“મધુવન” પરિવારના જયશ્રીકૃષ્ણ

Categories: આનંદ, ઉત્સવ, ભારતિય સંસ્કૃતિ | Tags: , , , | Leave a comment

દિપાવલી પર્વની શુભેચ્છા (૨)

પપ્પાને ખેતી-વાડી, ફળો, બાગાયત અને ફૂલ-છોડનો ખૂબ શોખ હતો. રાત્રે મોડે સુધી એકાઉન્ટનું કામ કરતાં હોય તેમ છતાં વહેલા ઉઠી જઈને સવારમાં બગીચાનું થોડું કામ તો કરી જ લેતા. તેમણે કૃષિ-જીવન, આરણ્યક અને આ ઉપરાંત નર્સરીને લગતાં ઘણાં સામાયીકો બંધાવેલા. તેમાંથી કૃષિ-જીવન અને આરણ્યક તો આજે પણ આવે છે. આરણ્યક દ્વારા તેમના સર્વ વાચકોને નવાવર્ષના અભિનંદન પાઠવ્યા છે. પપ્પાને યાદ કરીને આપ સહુને પણ તેમના અભિનંદન આપી દઉ.


રાત રહે પાછલી જ્યારની ખટ ઘડી, સાધુ-પુરુષને સુઈ ન રહેવું…
નિંદ્રાને પરહરી, સમરવા શ્રી હરિ, એક તું એક તું એમ કહેવું..

Categories: પ્રકૃતિ, ભારતિય સંસ્કૃતિ | Tags: , , | Leave a comment

દિપાવલી પર્વની શુભેચ્છાઓ (૧)

મિત્રો,

દિપાવલી આવું આવું કરી રહી છે. અમુક બ્લોગ ઉપર તો ફટાકડાં પણ ફુટવા લાગ્યાં છે. “મધુવન” માં પણ શુભેચ્છાઓ આવવાની શરૂઆત થઈ  ગઈ છે. આજે શ્રી રામકૃષ્ણ  આશ્રમ, રાજકોટ તરફથી દિપાવલીની શુભેચ્છા રુપે “અમૃતબિંદુ” નામની લઘુ- પુસ્તિકા પ્રાપ્ત થઈ છે. આનંદ સાથે તેમનો ઋણ- સ્વિકાર કરીએ છીએ.

 

આ ઉપરાંત આસ્થાની શાળામાં સહુએ એક પોસ્ટ-કાર્ડ પર સરસ ચિત્ર દોરીને સરનામું કર્યા વગર શાળામાં જમા કરવાનું હતું ત્યાર બાદ શાળામાંથી જુદા-જુદા વિદ્યાર્થીઓને એક-બીજાને પોસ્ટ-કાર્ડ શુભેચ્છા રુપે મોકલવાના તેવી ગોઠવણ કરી હતી. આસ્થાને પણ એક શુભેચ્છા કાર્ડ આજે પ્રાપ્ત થયું.

સહુ બ્લોગ-મિત્રોને “મધુવન” પરિવાર તરફથી દિપાવલીની ખૂબ ખૂબ શુભકામનાઓ. આપનું પર્વ મંગલમય અને આનંદમય રહે તેવી હ્રદય-પૂર્વકની ભાવના સાથે..

સહુને જયશ્રીકૃષ્ણ

Categories: આનંદ, ઉત્સવ, ગમતાંનો ગુલાલ, ભારતિય સંસ્કૃતિ | Tags: , | 8 Comments

Create a free website or blog at WordPress.com.