Posts Tagged With: ફિલ બોસ્મન્સ

બોલતાં પહેલા બે વાર વિચારજો – ફિલ બોસ્મન્સ

Phil_Bosmans

કોઈનો ન્યાય તોળવા બેસો ત્યારે બોલવામાં ધ્યાન રાખજો.

શબ્દો શક્તિશાળી શસ્ત્રો છે, જેને કારણૅ અનેક મહાભારત સર્જાય છે.

તમારી જીભને કારણે સામો માણસ ગમાર લાગે આવું તો ન જ કરો.

તમારા મોટે મોઢે સામો માણસ નાનો લાગે એવું તો કરતા જ નહીં.

એક કઠોર શબ્દ, એક ધારદાર વાગ્બાણ કોઈના દિલને લાંબા સમય સુધી કોતર્યા કરશે અને મૂકી જશે એક કાયમી જખમ.

સ્વીકારો કે બીજા તમારાથી જુદા છે, કંઈક જુદું જ અનુભવે છે અને બોલે છે – થોડાક સૌમ્ય બનો, શબ્દોથી એના ઘા રુઝાવો.

શબ્દો ફુલ જેવા હળવા હોવા જોઈએ, શબ્દો શાંતિ પમાડે તેવા હોવા જોઈએ, જે લોકોને એકમેક સાથે જોડી આપે અને સુખચેનનો અહેસાસ કરાવે.

શબ્દો જ્યારે શસ્ત્રો બને છે ત્યારે, લોકો એકમેકનો મુકાબલો દુશ્મનની જેમ કરે છે.

જિંદગી બહુ જ ટૂંકી છે, અને આપણી દુનિયા કુરુક્ષેત્ર બનવા માટે બહુ નાનકડી છે.

મારે જે કહેવું છે એના વિષે હું પૂરેપૂરું જાણું નહીં ત્યાં સુધી, હે ઈશ્વર, મારી વાણીના તીરને મ્યાન કરવામાં મદદ કર.

Categories: ચિંતન | Tags: | 6 Comments

Create a free website or blog at WordPress.com.