Posts Tagged With: તહેવાર

શુભેચ્છા પ્રકાશના તહેવારની – આગંતુક


અસતો મા સદગમય:
તમસો મા જ્યોતિર્ગમય:
મૃત્યોર્માં અમૃતં ગમય:
ૐ શાંતિ: શાંતિ: શાંતિ:

વિક્રમ સવંત ૨૦૬૬નો આજે છેલ્લો દિવસ. અમાસ હોવા છતાં તેને ઉજાસનો દિવસ – પ્રકાશનું પર્વ શા માટે કહે છે? અંધારીયું કે અજવાળીયું તે ચંદ્રની કલા ઉપર આધાર રાખે છે. અને તેથી ઉજાસમાં વધ-ઘટ રાત્રે હોય છે. પણ સૂર્યના પ્રકાશમાં દિવસે તેવા કશાં ભેદ નથી. તો દર વર્ષનો છેલ્લો દિવસ સંક્લ્પ કરવાનો દિવસ છે કે આવનારું વર્ષ અમે અમારા દિલમાં ઉજાસ કરશું. રાગ-દ્વેષને ભુલીને માનવતા ખીલવશું. બીજાના સદગુણો અને પોતાના દુર્ગુણો જોતા શીખશું. ક્ષમા, સંતોષ અને પુરુષાર્થને જીવનમંત્ર બનાવીશું. કોઈ પણ માનવીનો તેના દુષ્કૃત્યોને લીધે તીરસ્કાર નહીં કરીએ તેમ જ કોઈ પણ માનવીને તેના સત્કાર્યોને લીધે મોટા ભા નહીં બનાવીએ પણ દરેક માનવીની અંદર રહેલી દિવ્યતાને ઓળખીને સહુની સાથે પ્રેમ-પૂર્ણ વ્યવહાર કરશું. નાના-મોટાના ભેદ-ભાવ ત્યજશું. નાત-જાત અને ધર્મના વાડાને તીલાંજલી આપશું. ફાટ-ફૂટ પડાવનારાઓને ખુલ્લા પાડશુ. અને આવા આવા તો અનેક સંકલ્પોમાંથી એકાદ સંકલ્પ તો જરૂર કરશું.

આવનારુ વિક્રમ સંવત ૨૦૬૭ આપ સહુને માટે મંગલમય, આનંદમય અને ઉત્સાહ-આનંદથી ભરપુર રહે તેવી ખૂબ ખૂબ શુભેચ્છાઓ…..

“મધુવન” પરિવારના જયશ્રીકૃષ્ણ

Categories: આનંદ, ઉત્સવ, ભારતિય સંસ્કૃતિ | Tags: , , , | Leave a comment

ભાવનગરમાં વરસાદ અને રથયાત્રાની ચાલી રહેલી તડામાર તૈયારી

તા.૪/૭/૨૦૧૦
ભાવનગર.

ભાવનગરમાં ગઈ કાલે રાત્રે થોડા પવન અને વીજ ચમકાર સાથે શરુ થયેલ વરસાદ આખી રાત ધીમી ધારે ધરતીને ભીંજવતો રહ્યો. સવારે ઉઠીને જોયું તો ચારે બાજુ ખુશનુમા વાતાવરણ અને માટીમાંથી આવતી મહેકથી દિશાઓમાં ઉલ્લાસ વ્યાપી ગયો છે.

ચાર દિવસ પહેલાં જ અમદાવાદથી ભાવનગરમાં નવો રથ રથયાત્રા માટે આવી ગયો છે. આ રથયાત્રાનું ભાવનગરમાં ખુબ જ મહત્વ છે. તેમાં શ્રી કૃષ્ણ, બલરામજી તથા બહેન સુભદ્રા એક જ રથમાં સાથે બેસીને નગરચર્યા કરીને લોકોને દર્શન આપશે. શ્રીકૃષ્ણ તથા બલરામ ની સાથે સાથે સુભદ્રાજીનું બહુમાન કરતો આ ઉત્સવ ઘણો જ વિરલ ગણાય છે. આ રથયાત્રા ગુજરાતમાં અમદાવાદ પછીની સહુથી મોટી રથયાત્રા હોય છે. નગરજનો સહુ પોતાના ઘરમાંથી બહાર આવીને આ બંધુઓ અને ભગીનીના દર્શન કરવા ઉમટી પડે છે. તેમના દર્શન કરીને અને પ્રસાદ લઈને ધન્યતા અનુભવે છે. વાતાવરણ “જય રણછોડ – માખણ ચોર”, “હાથી,ઘોડા પાલખી, જય કનૈયાલાલ કી” વગેરે જયઘોષથી ગાજી ઉઠશે.

અષાઢી બીજના દીવસે નીકળનારી આ રથયાત્રા માટે આયોજકો તનતોડ મહેનત કરી રહ્યાં છે.

Categories: ભારતિય સંસ્કૃતિ | Tags: , , , | Leave a comment

Create a free website or blog at WordPress.com.