Posts Tagged With: ઘેલી

કાન તારી બંસીએ ઘેલી કરી

કાન તારી બંસીએ મને ઘેલી કરી..

કાન તારી બંસીએ મને ઘેલી કરી..
મારું ભુલાવી દીધું બધુ ભાન – કાન…

તારી બંસીના નાદે હું ઘેલી ઘુમું..
મારું અંતર અતિ અકળાય – કાન…

તારી બંસીના નાદે મારું મન મોહે..
મન મોહન મળવા ધાઈ – કાન…

તારી બંસીના નાદે મારું ચિત ચોંટે..
મને કરવા ન દીયે કાઈ કામ – કાન…

તારી બંસીના નાદે મારું દીલ ડોલે..
મને ભૂલાવે ઘર ધંધાનું ભાન – કાન…

તારી બંસીના નાદે મારી નિંદ્રા ભાગે..
મને જંપવા ન દીયે જરાય – કાન…

તારી બંસીના નાદે આ દુનિયા ડોલે..
ડોલે બ્રહ્મા, મહેશ ને શેષ – કાન…

તારી બંસીના નાદે દેવ દાનવ ડોલે..
ઓલ્યા ડોલે દશે દિકપાલ – કાન…

તારી બંસીના નાદે નભ પક્ષી થંભે..
થંભે વહેતાં યમુનાજીના નીર – કાન…

તારી બંસીના નાદે ભજનપ્રકાશ ભાન ભુલી..
ભમે રાત દિ વૃંદાવનની માંય – કાન…

Categories: ભજન / પદ / ગીત / કાવ્ય / ગઝલ, ભજનામૃત વાણી | Tags: , , , | Leave a comment

Create a free website or blog at WordPress.com.