Posts Tagged With: કટાક્ષ

જીવો અને જીવવા દ્યો

નોંધ: આ લખાણ કોઈએ ગંભીરતાથી ન લેવું.


આપણાં માનનીય મુખ્યમંત્રીશ્રી કહે છે કે “હું ખાતો નથી ને ખાવા દેતોયે નથી”. આ તો ભારોભાર અન્યાય ન કહેવાય?

જૈન ધર્મની ફીલસુફી કહે છે કે: “જીવો અને જીવવા દ્યો”. આવા બીજા અનેક સૂત્રો પ્રચલીત કરી શકાય જેમ કે:

“હસો અને હસવા દ્યો”

“ફરો અને ફરવા દ્યો”

“ચરો અને ચરવા દ્યો”

”મરો અને મરવા દ્યો”

“રડો અને રડવા દ્યો”

“ભસો અને ભસવા દ્યો”

“ખસો અને ખસવા દ્યો”

“ગાવ અને ગાવા દ્યો”

“ભણો અને ભણવા દ્યો”

“લડો અને લડવા દ્યો”

વગેરે વગેરે

ટુંકમા કોઈ પણ ક્રીયા વિશે આવા સુત્રો આપી શકાય.

આપણે આઝાદ થયાં પછી દેશમાં ઘણાં પરીવર્તનો આવી ગયાં તેમ છતાં એક પાર્ટી તો કોઈક રાજ્યમાં કે કેન્દ્રમાં ક્યાંકને ક્યાંક સત્તામાં કોઈને કોઈ રીતે આવતી જ રહી. તો તેમની આવી મહાન સફળતાનું સુત્ર શું હશે?

વિચારો

….

…..

……

…….

……..

………

વિચારો યાર, હવે આપણી પાસે વિચારવા સિવાય બીજું કરવા જેવું યે શું રહ્યું છે?

.

.

.

.

.

.

.

.

.

.

.

.

.

તે મહાન સુત્ર છે:

.

.

.

.

.

.

.

.

.

.

.

.

.

“ખાવ અને ખાવા દ્યો”

Categories: હળવી પળો | Tags: , , , , | 3 Comments

હાથી અને આંધળાઓ


કહો જોઈએ આ જગત કેવું છે?


વધારે ચિત્રો જોવા નીચેની લિંક પર ક્લિક કરશો.
elephant and blind men


Categories: ચિંતન, પ્રશ્નાર્થ | Tags: , , , | 1 Comment

વિચારવા જેવી બાબત (હાસ્ય / વ્યંગ / કટાક્ષ) – સ્વામી વિવેકાનંદ

ધાર્મિકતાના અંચળા હેઠળના માણસના દંભ પર પ્રહાર કરતા હાસ્ય / કટાક્ષ અને વ્યંગ સ્વામી વિવેકાનંદની લાક્ષણિક શૈલિમાં વાંચવા માટે નીચેની લિંક પર ક્લિક કરશો :

વિચારવા જેવી બાબત (હાસ્ય / વ્યંગ / કટાક્ષ) – સ્વામી વિવેકાનંદ

Categories: સ્વામી વિવેકાનંદ | Tags: , , , , , | Leave a comment

૧૧-૧૧-૧૧

મીત્રો,

૧૦-૧૦-૧૦ ની ઘટના પછી આજે આપણે ૧૧-૧૧-૧૧ માં પ્રવેશ્યાં. ૧ વર્ષ ૧ મહીનો અને ૧ દિવસ પછી આવો સુઅવસર આપણે આંગણે આવ્યો. ગયા વર્ષે આ તવારીખોનો આસ્વાદ આપણે અશોકભાઈની મક્કમ મનોબળીયા કલમે માણેલો. આ વર્ષે આ ઘટનાને હજુ કોઈ વિરલાએ બીરદાવી નથી કે શું?

શું બ્લોગ જગતમાં એવો કોઈ વિરલો નથી કે જે આ ૧૧-૧૧-૧૧ ની ઘટનાને કાવ્ય, ગઝલ, લેખ, ગતકડાં, ભોળકડા, વ્યંગ, હાસ્ય, વિચારપ્રેરક લેખ કે અન્ય કોઈ રીતે રજૂ કરી શકે?

Categories: પ્રશ્નાર્થ, હળવી પળો, હાસ્ય | Tags: , , , | Leave a comment

બારી બંધ નહિં થાય

મિત્રો,

હમણાં હમણાં હું મજાકના મુડમાં હોઉ છું. આમ તો આ હાસ્ય-રચના ઘણી જુની છે પણ પ્રસંગોપાત વાગોળવી ગમે તેવી છે.

બે કુટુંબ ટ્રેનમાં જઈ રહ્યાં હતાં, બંનેને એક એક ૧૨-૧૩ વર્ષનો છોકરો હતો. શીયાળાની શરુઆત હતી તેથી થોડી ઠંડી લાગતી હતી અને એક છોકરાને છીંક આવી એટલે તેના પપ્પા ઉભા થઈને બારી બંધ કરવા માટે ગયાં.

ત્યાં તો બીજો છોકરો રડવા લાગ્યો એ એ એ!! મારે બારીની બહાર જોવું છે.

તેના પપ્પાએ બીજા ભાઈને કહ્યું બારી બંધ નહિં થાય.

પેલા ભાઈ કહે ન કેમ થાય – જોતાં નથી મારો છોકરો માંદો જ પડી જાય ને?

બીજા ભાઈ કહે – તમારાથી થાય તેમ કરી લ્યો બારી બંધ નહિં થાય એટલે નહિં થાય.

પેલા ભાઈને બહુ ગુસ્સો આવ્યો નહિં કેમ થાય – તેમ કહીને ધડ દઈને એક તમાચો ઝીંકી દીધો.

બીજા ભાઈ પણ કાઈ ઉણાં ઉતરે તેમ ન હતાં તેણે પેલાનો કાંઠલો પકડીને એવો તો ખેંચ્યો કે પેલા ભાઈ ભોં ભેગા થઈ ગયા. શર્ટના બે બટન તુટી ગયા અને શર્ટ બાંયમાંથી ફાટી ગયો.

ધમાલ આગળ વધે તે પહેલા એક કાકા ઘાંટા પાડીને કહેવા લાગ્યાં – મુર્ખાઓ બંધ કરો આ તમાશો – “બારીને કાચ જ નથી!”

સુજ્ઞેષુ કિં બહુના !!

Categories: હળવી પળો, હાસ્ય | Tags: , , , | 4 Comments

વહેમ – હારૂન પટેલ

છે ધૂળનું ઢેફું છતાં પથ્થરનો વહેમ છે,
અદનો છે આદમી ને સિકંદરનો વહેમ છે.
…ખાબોચિયું છે એતો હકીકતમાં છતાં,
ઘૂઘવે છે એમ જાણે સમંદરનો વહેમ છે.
ખુદનાજ ઘરના માર્ગની જેને નથી ખબર,
ભૂલ પડી ગયેલને રેહબરનો વહેમ છે.
આ કાફિયા રદીફની ગતાગમ નથી છતાં,
એવા ઘણાં છે જેમને શાયરનો વહેમ છે.


સૌજન્ય:સ્પામવાણી


છે ધૂળનું ઢેફું છતાં પથ્થરનો વ્હેમ છે,
અદનો છે આદમી ને સિકંદરનો વ્હેમ છે.

ખાબોચિયું છે એતો હકીકતમાં છતાં,
ઘૂઘવે છે એમ જાણે સમંદરનો વ્હેમ છે.

ખુદનાજ ઘરના માર્ગની જેને નથી ખબર,
ભૂલ પડી ગયેલને રેહબરનો વહેમ છે.

આ કાફિયા, રદીફની ગતાગમ નથી છતાં,
એવા ઘણાં છે જેમને શાયરનો વ્હેમ છે.

પડછાયો જોઈ ખુદનો ડરી જાય છે ‘હારૂન’
ડરપોક માનવીનેય બાબર નો વ્હેમ છે.


હવે આ ગઝલ ’બઝમે વફા’ પર જુઓ


Categories: ભજન / પદ / ગીત / કાવ્ય / ગઝલ | Tags: , , | 2 Comments

ઊંટ કહે: આ સભામાં – કવિ દલપતરામ

Camel Corps

Image by The National Archives UK via Flickr

ઊંટ કહે: આ સભામાં, વાંકાં અંગવાળાં ભૂંડા;
ભૂતળમાં પક્ષીઓ ને પશુઓ અપાર છે;

બગલાની ડોક વાંકી, પોપટની ચાંચ વાંકી;
કૂતરાની પૂછ્ડીનો, વાંકો વિસ્તાર છે.

વારણની સૂંઢ વાંકી, વાઘના છે નખ વાંકા;
ભેંસને તો શિર વાંકાં, શિંગડાનો ભાર છે.

સાંભળી શિયાળ બોલ્યું, દાખે દલપતરામ;
“અન્યનું તો એક વાંકું, આપનાં અઢાર છે ”


શબ્દ સૌજન્ય:”ટહુકો”


અને હા, આ કાવ્ય ઉપર સરસ ટીપ્પણી જોવા માટે અહીં ક્લીક કરશો.


Categories: ટકોર, ભજન / પદ / ગીત / કાવ્ય / ગઝલ, હળવી પળો, હાસ્ય | Tags: , , , | 7 Comments

Create a free website or blog at WordPress.com.