Posts Tagged With: અધિકાર

સદગુણીને જ સંન્યાસ લેવાનો અધિકાર છે

સૂત્ર ૯ : જેઓ અનૈતિક અને ભ્રષ્ટ છે, સ્વનિયંત્રણ અને વિશ્વસનિયતા વગરના છે, તેણે પરિવ્રાજકના પિત વસ્ત્રોને છોડી દેવા જોઈએ, ચોક્કસ જ તે આ પરિવેશને લાયક નથી.

સૂત્ર ૧૦ : જેમણે અપવિત્રતાને ધોઈ નાખી છે, સદગુણોથી વિભૂષિત છે અને સ્વનિયંત્રીત તથા વિશ્વસનીય છે, તે ખરેખર સંન્યાસીના પીળા વસ્ત્રો પહેરવાને લાયક છે.

બૌદ્ધ ધર્મએ સંન્યાસ ઉપર ઘણો ભાર મુકેલો. દૈવી સદગુણ પ્રાપ્ત કરવા ઈછતી વ્યક્તિ સતત જગતના કોલાહલ વચ્ચે સાધનામાં પ્રગતિ ન કરી શકે. અહીં જણાવ્યું છે કે જેમણે પોતાની ઈંદ્રિયો અને મન પર કાબુ મેળવ્યો છે અને જે ખરેખર દૈવી સદગુણો અને દિવ્યતા પ્રાપ્ત કરવા ઈચ્છે છે તેઓ સંન્યાસ ધારણ કરે તો તેમને તે શોભે છે. જેઓ ભ્રષ્ટ છે, જેમની ઈંદ્રિયો અનિયંત્રિત છે તેવી વ્યક્તિઓએ સંન્યાસ ન લેવો જોઈએ અને કદાચ લીધો હોય તો યે સંન્યાસીનો પરિવેશ છોડીને ફરી પાછા જન સામાન્ય પહેરતા હોય તેવા વસ્ત્રો ધારણ કરવા જોઈએ.

Advertisements
Categories: ચિંતન | ટૅગ્સ: , , , | Leave a comment

આજનું ચિંતન – અધિકાર

સુર્યની ઉર્જાનો શું શું ઉપયોગ થઈ શકે તે હું સમજી લઉ તો તેના ગુણધર્મોનો હું લાભ લઈ શકું પરંતુ શું તેથી સુર્ય પર મારો અધિકાર થઈ જાય?

લીમડામાં ક્યા ક્યા ગુણ છે તે હું જાણી લઉ તો તેના ગુણોનો યોગ્ય ઉપયોગ કરી શકું પણ તેથી શું લીમડા પર મારો અધિકાર થઈ જાય?

ગુરુત્વાકર્ષણના નિયમોની શોધ કરવાથી શું ગુરુત્વાકર્ષણ બળ ન્યુટન સાથે કોઈ પક્ષપાત કરે ખરું?

ઈશ્વરને કોઈ શોધે કે ન શોધે, કોઈને મળે કે ન મળે પણ તેના પર કોઈનો અધિકાર ન થઈ જાય. તેના નીયમો સર્વને માટે સમાન જ રહે.

જેવી રીતે સાધુ / સંતો / મૌલવીઓ / પાદરીઓ / ધધુપપુઓ વગેરે લોકોને ઈશ્વરે દલાલ તરીકે નીમ્યાં નથી તેવી રીતે પ્રકૃતિએ તેના ગુણધર્મોના શોધકોને તેના દલાલ તરીકે નીમ્યાં નથી. જે લોકો પ્રાકૃતિક તત્વોની પેટન્ટ મેળવીને તેમની પર વિશેષાધિકારનો દાવો કરે છે તે સઘળાં લોકોનો પણ સમગ્ર માનવ જાતના હિતમાં એટલો જ પ્રતિકાર કરવો આવશ્યક છે.

જે રીતે ઈશ્વરના દલાલોએ માનવોને ભયંકર નુકશાન કર્યું છે તેવી રીતે પ્રકૃતિના શોષકો પણ માનવજાત માટે એટલા જ ભયાવહ છે.

Categories: ચિંતન | ટૅગ્સ: , , | 1 ટીકા

Blog at WordPress.com.