ઉદઘોષણા

સ્વાગત ૨૦૧૫

મિત્રો,

ઈસુ ખ્રીસ્ત ઐતહાસીક છે કે કેમ તે ચર્ચાનો વિષય હોઈ શકે પણ ઈસ્વીસનના વર્ષો આપણા રોજીંદા જીવન સાથે વણાઈ ગયેલા હોવાથી તેને વ્યવહારીક સત્ય તરીકે સ્વીકારવા જ રહ્યાં. ઈ.સ.૨૦૧૫નું હર્ષ અને ઉલ્હાસભેર સ્વાગત કરતા આનંદની લાગણી અનુભવું છું. ગયા વર્ષે આપણે સદાચાર સ્તોત્રના ૧૪મા શ્લોક પર વિચાર કરવાનો પ્રયાસ કરેલો. આ વર્ષે સદાચાર સ્તોત્રના ૧૫મા શ્લોક પર વિચાર વિમર્શ આગળ ધપાવીએ.

સદાચાર સ્તોત્ર (શ્લોક: ૧૫)

સદાચાર સ્તોત્ર: આદિ શંકારાચાર્યજી મહારાજ

ભાવાર્થદીપિકા ટીકા: શ્રીમન્નથુરામ શર્માજી મહારાજ

હવે યોગીના ભોજનને વા ભોગને વર્ણવે છે:

અતીતાનાગતં કિંચિન્ન સ્મરામિ ન ચિન્તયે |
રાગદ્વેષં વિના પ્રાપ્તં ભુંગ્જામ્યત્ર શુભાશુભમ || ૧૫ ||

શ્લોકાર્થ: હું ભુતકાળનું કાઈ સ્મરણ કરતો નથી, ને ભવિષ્યનું કાઈ ચિંતન કરતો નથી. અહીં પ્રાપ્ત થયેલા શુભાશુભને હું રાગદ્વેષ વિના ભોગવું છું.

ટીકા: આત્માનું નિર્લેપપણું વિચારી હું ભૂતકાળમાં પ્રાપ્ત થયેલા ભોજનનું કે ભોગવેલા ભોગોનું કાંઈ પણ સ્મરણ કરતો નથી, અને ભવિષ્યમાં મળવાના ભોજનનો કે પ્રાપ્ત થવાના વિષયોનો કાંઈ પણ વિચાર કરતો નથી. મારા પ્રારબ્ધ કર્માનુસાર મને અહીં મળેલા ઉત્તમ કે કનિષ્ઠ ભોજનનો વા શબ્દાદિ વિષયોનો રાગદ્વેષ રહિત અંત:કરણ વડે પ્રારબ્ધ કર્મની નિવૃત્તિ કરવા માટે હું ઉપભોગ કરું છું.

Categories: આર્ષદર્શન, ઉદઘોષણા, વિચાર વિમર્શ | ટૅગ્સ: , , , , , , , , , , , , | 2 ટિપ્પણીઓ

બાળકો માટેનો બ્લોગ

સાથીઓ / દોસ્તો / મિત્રો / યારો

બાળકોને ધ્યાનમાં રાખીને એક નવોનક્કોર તરોતાજા બ્લોગ બનાવવામાં આવ્યો છે. જેનું નામાભિધાન છે “કિલ્લોલ“. અહીં કોઈ પણ ઉંમરના બાળકનું ધિંગામસ્તી કરવા માટે હ્રદયપૂર્વક સ્વાગત છે.

Categories: આનંદ, ઉત્સવ, ઉદઘોષણા, ઊજવણી, કેળવણી, ગમતાંનો ગુલાલ | ટૅગ્સ: , , , | Leave a comment

સત્યના પ્રયોગોની કુલ ૧૬૯ આહુતિઓ આપવા સુધી યજ્ઞકાર્ય ચલાવવાની ધારણા

મિત્રો,

આપ સહુ જાણો છો કે હાલ હું સત્યના પ્રયોગોની વાંચનયાત્રાએ નીકળ્યો છું. આ યાત્રાએ પ્રથમ વખત નીકળ્યો છું તેથી યાત્રા વધારે આનંદપ્રદ અને હવે શું થશે તે જાણવાની ઈંતેજારી સાથે આગળ ધપી રહી છે. પ્રસંગોપાત આપ પણ તેમાં જોડાઈ શકો છો.

સત્યના પ્રયોગો કુલ પાંચ ભાગમાં વહેંચાયેલી છે.

પ્રથમ ભાગ – ૨૫ પ્રકરણ
બીજો ભાગ – ૨૯ પ્રકરણ
ત્રીજો ભાગ – ૨૩ પ્રકરણ
ચોથો ભાગ – ૪૭ પ્રકરણ
પાંચમો ભાગ – ૪૩ પ્રકરણ

કુલ ૧૬૭ પ્રકરણ. તેમાં પ્રસ્તાવના અને પૂર્ણાહુતિ ઉમેરતા કુલ ૧૬૯ પ્રકરણ થશે.

આમેય મારે તો બ્લોગયાત્રા અને વાંચનયાત્રા સાથો સાથ ચાલશે. રોજ એક પોસ્ટ લખાશે અને કાલે શું લખું કે જેથી લોકો વાહ વાહ કરે કે અચંબિત થઈ જાય કે મોમાં આંગળા નાખી જાય કે Like પર આવીને ક્લિકનો વરસાદ કરી દે કે પ્રતિભાવોથી બ્લોગફળીયું છલકાવી દે તેવા વિચારવાયુથી મુક્ત રહી શકાશે.

આ પોસ્ટનું શિર્ષક જોયું. યજ્ઞકાર્ય અને આહુતિ? સત્યના પ્રયોગો તો આખે આખું વિકિસ્ત્રોત પર ઉપલબ્ધ છે જ્યારે અહીં તો ત્યાંથી તેનો થોડો ભાગ કોપી કરીને પેસ્ટ કરવામાં આવે છે. તેમાં વળી યજ્ઞ અને આહુતિ શેના?

તો કહેવાનું મન થાય કે યજ્ઞ કાર્ય અહીં લખવાનું નહીં પણ વાંચવાનું થઈ રહ્યું છે. આહુતિ કોઈ દેવતાને રીઝવવા માટે નહીં પણ મારા મસ્તિષ્કમાં સદવિચારોનું બીજારોપણ કરવારુપ આહુતિ અપાઈ રહી છે. ઉતાવળે અને અકરાંતીયાની જેમ વાંચેલું ઘણું બધું સાહિત્ય એટલું મદદરુપ નથી થતું જેટલું સમજીને વાંચ્યા પછી થોડુંયે પચાવવામાં આવ્યું હોય.

આ યાત્રામાં જોડાવા સહયાત્રીઓને આમંત્રણ છે. મોહનમાંથી મહાત્મા બનેલા માનવીની ભારોભાર સત્યકથા વાંચનારને કશુંક તો હકારાત્મક જરુર પ્રદાન કરશે.


નોંધ: મારા શારીરીક અને માનસીક સ્વાસ્થ્યને અનુલક્ષીને મેં બ્લોગ-જગતનું મારું વાંચન મર્યાદિત કર્યું છે. ક્યારેક અને મરજિયાતપણે થોડા લેખ વાંચું છું. કશુંક સારુ લાગે તો ગ્રહણ કરુ છું અને બાકીનું ફેંકી દઉ છું. આ વાંચનયાત્રા દરમ્યાન લીધેલ એક નીયમ તેવો છે કે કોઈનીયે પોસ્ટ પર Like ન કરવું કે કોઈનાયે બ્લોગ પર પ્રતિભાવ ન આપવા. જો કે કેટલાંક મિત્રોના પસંદગીના લેખ હું અચૂક વાંચું છું તે વાંચવાનો પુરતો પ્રયાસ કરવામાં આવશે 🙂


Categories: ઉદઘોષણા | ટૅગ્સ: , , , | Leave a comment

Web-ગુર્જરી ઈન્ટરનેટના આકાશે તરતી મુકાશે

ત્રણ પ્રકારે કાર્ય થઈ શકે.

૧. કર્તા – કોઈ કાર્ય જાતે કરવું.

૨. કારિતા – કોઈની પાસે કાર્ય કરાવવું.

૩. અનુમોદિતા – કોઈ કાર્યને અનુમોદન આપવું.

ગુજરાતી e-જગત માટે આનંદના સમાચાર છે કે કવિશ્રી કલાપીના જન્મ દિવસે અને ભારતના પ્રજાસત્તાક દિવસે આપણું ગુજરાતી e-જગત Web-ગુર્જરી રુપી એક વિશાળ વટવૃક્ષની સંકલ્પનાથી એકત્ર થઈ રહ્યું છે. અલબત્ત આજે તો તે વૃક્ષનું બીજારોપણ થશે તેને રક્ષવાનું, ઉછેરવાનું અને સંવર્ધિત કરવાનું ઉત્તરદાયિત્વ આપણી સહુની ઉપર છે.

આ પ્રસંગ પરની વિશેષ જાણકારી તથા રસપ્રદ લેખ વાંચવા માટે પહોંચો શ્રી અમોના આંગણે.

આ વટવૃક્ષની સંપૂર્ણ સંકલ્પનાના સૂત્રધાર શ્રી જુગલકીશોરભાઈનો આજે ૨૫મી જાન્યુઆરીએ જન્મ દિવસ છે તો તેમને અભીનંદવાનું ન ભુલશો.

Categories: આનંદ, ઉત્સવ, ઉદઘોષણા, ઊજવણી, ગુજરાત, જન્મદિવસ | ટૅગ્સ: , | 3 ટિપ્પણીઓ

टीम अन्ना का कार्य समाप्त हो गया है – अण्णा हज़ारे

जनलोकपाल कानून सरकार बनाने के लिए राजी नहीं है। कहां तक बार-बार अनशन करते रहोगे। अब अनशन छोड़ो और देश की जनता को विकल्प दे दो। यह मांग जनता से बढ़ती गई। मैंने भी सोचा आज की सरकार से देश का भ्रष्टाचार कम नहीं हो सकता। कारण, सरकार की मंशा ही नहीं है। जनलोकपाल कानून से भ्रष्टाचार दूर होगा। यह देशवासियों की आशा थी। लेकिन डेढ साल बीत गए। बार-बार जनता ने आंदोलन करने के बाद भी सरकार जनलोकपाल कानून लाने को तैयार नहीं। अच्छे लोगों को खोज करके जनता को विकल्प देना। यह अच्छा रास्ता है। ऐसा मुझे लगा। लेकिन होगा कैसे? यह मेरे सामने प्रश्न है।

मुझे विकल्प देने की बात करने वाले लोगों के सामने जंतर मंतर पर खुलेआम मैंने एक प्रश्न खड़ा किया। आप विकल्प की बात करते हैं। मैं देशभर में दौरे करूंगा। लोगों को जागरूक करूंगा अच्छे सदाचारी, राष्ट्रीय दृष्टिकोण है, सामाजिक दृष्टिकोण है, सेवा भाव है ऐसे लोग संसद में नहीं जाएंगे तब तक बदलाव नहीं आएगा। यह बात मुझे मंजूर है लेकिन-

વધુ વાંચો:

Categories: ઉદઘોષણા | ટૅગ્સ: , , | Leave a comment

આનંદ સાથે વિશ્રામ

મીત્રો,

બ્લોગ-જગતમાં મારે જેટલું હાંસલ કરવું હતું તે કરી લીધું છે. હું તૃપ્ત છું – સંતૃપ્ત છું. હવે હું એક અનીશ્ચિત કાળ સુધીનો દિર્ઘ વિશ્રામ લેવા ઈચ્છું છું. આપ સહુ મીત્રો મારા હ્રદયમાં છો અને હું આપ સહુના.

વિશ્રામ કાળ દરમ્યાન :

ભજનામૃત વાણી તથા મધુવન પર નવી પોસ્ટ મુકવામાં નહીં આવે.

ફેસ બુક પર નવું કશું મુકવામાં નહીં આવે.

કોઈ બ્લોગ કે વેબ સાઈટને પ્રતિભાવ કે Like આપવામાં નહીં આવે.

મને ગમતા બ્લોગ કે વેબ સાઈટ અનુકુળતાએ વાંચીશ.

મીત્રો સાથે ઈ-મેઈલ થી કે ફોનથી સંપર્કમાં રહીશ પરંતુ દિવસ દરમ્યાન તે માટેનો નિશ્ચિત સમય હશે અને તેટલા મર્યાદિત સમય સિવાય બ્લોગ-જગત સાથેના સંપર્ક નહીવત રહેશે.


બ્લોગ યાત્રા દરમ્યાન હું ઘણું ઘણું શીખ્યો છું. હસ્યો છું, રડ્યો છું, ક્યારેક મારી તો ક્યારેક અન્યની ઉંઘ હરામ થઈ ગઈ છે. ક્યારેક પ્રેમના પ્રવાહમાં તણાયો છું તો ક્યારેક ભારોભાર ધિક્કારથી હણાયો છું. અહીં આપ સહું સાથે મેં અનેક પ્રકારના ભાવો અનુભવ્યા છે કે જેનું વર્ણન શબ્દાતિત છે.


અત્યાર સુધી મેં ઘણી વખત વિશ્રામ લીધો છે પણ તે વખતે નામરજી થી અથવા તો કશીક પ્રતિકુળતાને લીધે વિરામ લેવો પડ્યો હતો. આ વખતનો વિશ્રામ એક સંતોષ / આનંદ અને તૃપ્તિના ઓડકાર સાથેનો છે.

ફરી મળશું મીત્રો – એક બ્રેક કે બાદ.


Categories: ઉદઘોષણા | ટૅગ્સ: , , , | 3 ટિપ્પણીઓ

મારી સખી-કવિતા

મારી સખી-કવિતા

મીત્રો,

દરેકનું જીવન અનેક ચઢાવ-ઉતાર વાળું હોય છે. મારા જીવનમાં યે ચઢાવ-ઉતાર ઓછા નથી આવ્યાં. છેલ્લાં પંદર વર્ષોમાં મારા જીવનમાં કવિતા જીવન-સંગીની બનીને આવી. તેણે મને શું નથી આપ્યું? આપણે ત્યાં પત્નિની વિભાવના જુદા જુદા કાર્ય દરમ્યાન જુદી જુદી કરવામાં આવી છે. જેમ કે :

..
કાર્યેષુ મંત્રી
કરણેષુ દાસી
ભોજ્યેષુ માતા
શયનેષુ રંભા
મનોનુકૂલા ક્ષમયા ધરિત્રી

એકની એક જીવનસંગીની અનેક ભૂમિકા નીભાવે છે.

કવિતા વિશે જ્યારે કશુંક કહેવાનું હોય તો કહી શકું કે તે મધુવનમાં આવી ત્યારથી અમારા જીવનમાં એક તાજગી પ્રવેશી છે. તેની હાજરી માત્રથી વાતાવરણ ભર્યું ભર્યું લાગે છે. તે ગુસ્સો કરે, વ્હાલ કરે, નીવેદન કરે, કશીક માગણી કરે, લાગણી વ્યક્ત કરે, રીસાય, ખીજાય, અબોલા લે કે કોઈ પણ ક્રીયા કરે તે દરેક વખતે તેની એક છટા, તેનું એક માધુર્ય એક લાવણ્ય પ્રગટ થાય.

એક ખાનગી વાત કહી દઉ કે તે જ્યારે પ્રસન્ન હોય ત્યારે હું સ્વસ્થ રહું છું અને મારા કાર્યો ઉત્સાહથી કરી શકું છું. જો તે છંછેડાઈ ગઈ હોય કે રીસાઈ ગઈ હોય તો મારા ગાત્રો ગળી જાય છે. હું અસ્વસ્થ થઈ જાઉ છું. હું ફરી પાછો ત્યારે સ્વસ્થ થઈ શકું છું કે જ્યારે તે પુન: પ્રસન્ન થાય.

સમગ્ર મધુવન પરિવારને તેણે સ્નેહ-પૂર્વક એક તાંતણે બાંધી લીધો છે અને અમારા કુટુંબના કેન્દ્ર સ્થાને રહીને તેણે જીવનને જીવવાલાયક બનાવી દીધું છે.

અંતે એક મુક્તક કહીને વિરમું :

ત્યાં લગી આશ સૃષ્ટિની – જ્યાં લગી ઉગતા ફૂલો
જીંદગી જીવવા જેવી – જ્યાં લગી કવિના કુળો

Categories: ઉદઘોષણા, કુટુંબ | ટૅગ્સ: , | 8 ટિપ્પણીઓ

શુભ દીપાવલી

મીત્રો,

વિક્રમ સંવત ૨૦૬૭ જ્યારે વિદાય લઈ રહ્યું છે અને આ સંવતના છેલ્લા દિવસની પૂર્વ સંધ્યાએ આપ સહુને માટે આ પ્રકાશનો તહેવાર ઉત્સાહ, આનંદ અને સ્વાસ્થ્યપ્રદ રહે તેવી ખૂબ ખૂબ શુભેચ્છાઓ.

આ વર્ષે આપણે ઘણું ઘણું નવું શીખ્યા. એક બાબતને અનેક પ્રકારના દૃષ્ટિકોણથી જોતા શીખ્યા. એક ઘટના કેટલાક લોકો માટે સારી હોય તો તેની તે ઘટના અન્ય લોકો માટે વજ્રઘાત સમાન બની હોય તેવું યે બને.

વાસ્તવમાં કુદરતની કુલ શક્તિનો સરવાળો હંમેશા અચળ રહે છે. દ્રવ્ય અને શક્તિનું માત્ર એક સ્થળેથી અન્ય સ્થળે સ્થળાંતર થાય છે. આપણે જેટલા વધારે સંકુચિત હોઈએ તેટલું આપણને આ સ્થળાંતર વધારે અસર કરે અને જેટલા વિશાળ હ્રદયના તેટલું આ સ્થળાંતર આપણી પર ઓછી અસર કરશે.

આજે શ્રી રામકૃષ્ણ આશ્રમના પ્રવર્તમાન અધ્યક્ષ સ્વામી શ્રી ધૃવેશાનંદજી મહારાજ ભાવનગરના ભક્તોને મળવા આવ્યા હતા. તેઓ આવતી ૯મી તારીખે બાંગ્લાદેશ શ્રી રામકૃષ્ણ આશ્રમનું અધ્યક્ષ પદ સંભાળવા જશે અને રાજકોટમાં નવા અધ્યક્ષ આવશે. જે લોકો માત્ર પોતાને રાજકોટના માને છે તેમને માટે ધ્રુવેશાનંદજીની ખોટ અને બાંગ્લાદેશના ભક્તોને ધ્રુવેશાનંદજીની હાજરી અનુભવાશે. જે લોકો પોતાને સમગ્ર વિશ્વના સમજે છે તેમને માટે સ્વામી શ્રી નું સ્થળાંતર કશી અસર નહી ઉપજાવે કારણકે તેમને માટે સ્વામીજી કોઈ આશ્રમના નથી પરંતુ પોતાના દિલના એક ટુકડા છે.

આપણા બ્લોગ જગતમાં આપણે કેટ કેટલી વિવિધ પૃષ્ઠભુમીમાંથી આવીએ છીએ. જુદા દેશ, જુદા સમય, જુદી રહેણી કરણી અને અનેક પ્રકારની ભીન્નતા આપણી વચ્ચે હોવા છતાં આપણે અહીં સહુ એક પરિવારના બની ગયા છીએ. આપણે સહુ એક બીજાની લાગણી સમજીએ છીએ, એક બીજાના ભાવને અનુભવીએ છીએ. જેવું વાસ્તવિક જગત હોય તેવું જ જાણે કે એક બ્લોગ જગત બની ગયું હોય તેમ નથી લાગતું?

ગુજરાતી બ્લોગ જગત અહીં સુધી પહોંચતા ઘણી કઠીનાઈઓમાંથી પસાર થયું છે. ક્યારેક સંઘર્ષ થયા છે, ક્યારેક મન દુ:ખ થયા છે, ક્યારેક ગેર સમજ થઈ છે તેમ છતાં એકંદરે આપણે સહુ સુમેળથી હળી મળીને રહ્યાં છીએ અને આનંદ અને ઉત્સાહથી બ્લોગ જગતને માણ્યું છે.

આવનારા દિવસોમાં આપણે બ્લોગ-જગતને એક નવી ઉંચાઈએ લઈ જઈએ, એક બીજા સાથે સૌહાર્દતાપૂર્ણ રીતે વર્તીએ, એક બીજાને મુશ્કેલીમાં સહાયરુપ થઈએ અને એક સ્વસ્થ અને સક્ષમ બ્લોગ-જગત વિકસાવીએ તેવી અભ્યર્થના સાથે વીરમું છું.

આપનો સહ્રદયી,

સસ્નેહ

અતુલ જાની – આગંતુક

Categories: ઉત્સવ, ઉદઘોષણા, ઊજવણી | ટૅગ્સ: , , , | 1 ટીકા

મિત્રતાનો દિવસ ?

મિત્રો,

ઘણી જગ્યાએ ૩૦ જુલાઈને મિત્રતાના દિવસ તરીકે ઉજવવામાં આવે છે. ભારતમાં અને ઘણાં દેશોમાં ઓગષ્ટ મહીનાના પ્રથમ રવીવારને મિત્રતાના દિવસ તરીકે ઉજવાય છે.

શું મિત્રતાનો પણ કોઈ એક દિવસ હોય? ના, મિત્રતા તો આજીવન જીંદગીભર નીભાવવાની અને અનુભવવાની હોય છે.

આજના દિવસે હું ફરી વખત ઘોષણા કરું છું કે હું સહુનો મિત્ર છું – એટલે કે કોઈનો શત્રુ નથી.

શું તમે મારા મિત્ર છો ?

Categories: ઉદઘોષણા, પ્રશ્નાર્થ, વાર્તાલાપ તથા પ્રશ્નોત્તરી | ટૅગ્સ: | 8 ટિપ્પણીઓ

સ્પષ્ટતા – ચોખવટ – ખુલાસો

મિત્રો,

બ્લોગિંગ તે મારા શોખનો વિષય છે. અહિં કે મધુવન માં મુકવામાં આવતી પોસ્ટો કોઈને અંગત રીતે સીધી કે આડકતરી રીતે ઉદ્દેશીને લખવામાં નથી આવતી. અહિં માત્ર ને માત્ર અમારાં આનંદ માટે બ્લોગિંગ કરવામાં આવે છે. અહિં કોઈ પણ પ્રકારના સંબધો વિકસાવવા માટે બ્લોગિંગ કરવામાં આવતું નથી. હા – મિત્રો મળે તો આનંદની વાત છે – પણ કોઈએ બ્લોગની પોસ્ટના આધારે કે અન્ય બ્લોગ પર આપવામાં આવતાં પ્રતિભાવોના આધારે અમારું મુલ્યાંકન કરવું નહિં તેમજ અમારો કોઈની સાથે કશો પણ સંબધ પ્રસ્થાપિત કરવાનો પ્રયાસ કરવો નહિં.

Wish you Happy Blogging !

Categories: ઉદઘોષણા | ટૅગ્સ: , , | Leave a comment

Blog at WordPress.com.