Monthly Archives: March 2013

અમે હોળીનો ગુલાલ છૈયે ઘેરૈયા…

Image7390


આમ તો આજે પોસ્ટ લખવાનો વિચાર નહોતો. પછી થયું કે હાવ નવરો ધૂપ છું તો કોઈકને કાઈક કામ હોય તો પુછી જોઉ. અલ્યા ભઈ કમળા હોળી અને હોળીયું શેરીએ શેરીએ છાણના મોઢેથી આગની જીભે લબકારા લેતી આવી પુગી તો હોળીમાં તો કઈ કેટલાયે કામ હોય કે નઈ?

હોળીની ગોટ માંગવા જવાની.

કોઈકના ફળીયામાં પડેલા રેઢા લાકડા કે ફર્નીચર ચોરવાના.

શેરીયુંમાં છાણા એકની ઉપર એક ગોઠવીને કોની હોળી મોટી થાય એની હરીફાયું કરવાની.

હોળી ફરતે શ્રદ્ધાળુઓ ચકરડી ફરતા જાય, લોટામાંથી પાણીની ધાર કરતાં જાય ને પછી હોળીમાં નાળીયેર નાખતા જાય તે ઈ નાળીયેર હાવ બળી નો જાય ઈ પેલા એને લાંબા વાંહની લાકડીયું થી કાઢી લેવાનું યે કામ કરવાનું હોય કે નઈ?

અને હોળીની વચ્ચો વચ્ચ ઘઉ ભરીને એક માટલું મુકી રાખવાનું અને બીજા દિવસે એમાં બફાઈ ગયેલા ઘઉ અને અર્ધા બળેલા નાળીયેરની શેષું નો પરહાદ કરીને હવારની પહોરમાં હંધાયના ઘરે પરહાદ આલવા યે જાવું પડે કે નઈ?

હવે કેશો કે આ હું હોળાયાની જેમ ફરો છો પણ હું કરીએ ભાઈ નાનપણથી ઘેરૈયાઉની હારે રઈ રઈને કાદવ, કીચડ કે કીલ જે હાથમાં આવે ઈ લઈને બીજાને કાળ મશ કરી મેલે એવા રંગોથી ધુળેટાયા હોઈએ તો હોળાયા જેવા ન લાગીએ?

હવે તમારે કાઈ ઉપરમાંથી એકે કામ હોઈ તો કહેજોને?

અમે હાવ નવરા ધૂપ છીએ તો અમે આમાથી કોઈ પણ ઈ-કામ નેટ પરથી કરવા હારુ હબઘડીમાં ખાબકશું.

હું કીધુ? અલ્યા હોળી ઠેકવા બોલાવો સો?

ના ભઈ ના નાનપણમાં મારી બૂન હોળીના બીજા દિવસે ગરમ પાણી થી દાઝી ગઈતી તે ઈ ને દવાખાનામાં દાખલ કરેલી ને એની બાજુના ખાટલે એક હોળી ઠેકવા ગયેલો જુવાનીયો બીચારો હોળી ઠેકી ન હક્યો તો હોળીમાં ખાબકેલો તેનો કેસ આવેલો. ઈ ના જે હાલ હવાલ થયા ઈ જોયા પસી મેં તો આજીવન હોળી ઠેકવાનો વિસાર કરવાનું યે માંડી વાળ્યું સે હો બાપલા !

લ્યો ત્યારે સહુને હોળીની અગનજ્વાળાઓ વચ્ચે ધૂળેટીના રંગોત્સવની રંગભરી પીચકારીથી ભીંજાવા દલડાના તળીયેથી નોતરાં સે. જેને ભીંજાવું હોઈ ઈ તમતમારે અમારા બ્લોગની પરહાળે પુગી આવો.

મનભરીને લૂંટશું ને લુંટાશું…

રાહ કોની જુવો છો? આજનો લ્હાવો લીજીએ કાલ કૂણે દીઠી સે?


Image7391

Categories: ઉત્સવ | Tags: , , | 2 Comments

આદર્શ જીવનમાં ચરીતાર્થ થવો જોઈએ કે આદર્શ માટે લડાઈ થવી જોઈએ?

મિત્રો,

લગભગ દરેક વ્યક્તિ કોઈને કોઈ ધર્મમાં માનતી હોય છે. આ ઉપરાંત જુદી જુદી વ્યક્તિઓને જુદા જુદા લોકો આદર્શ લાગતા હોય છે. પ્રત્યેક વ્યક્તિ કાઈ ને કાઈ માન્યતા ધરાવતી હોય છે.

જે ધર્મમાં માનતા હો તેના આદર્શો અને નીતીઓ જીવનમાં આચરણમાં મુકાવા જોઈએ કે તેને માટે ઝગડો કરવો જોઈએ? ધારોકે હું ભગવદગીતાને આદર્શ આધ્યાત્મિક પુસ્તક ગણતો હોઉ તો મારે તેના સિદ્ધાંતો મારા જીવનમાં અમલમાં મુકવા જોઈએ કે કોઈ ભગવદગીતાને વખોડે તો તેની સાથે લડાઈ શરુ કરવી જોઈએ? ભગવદ ગીતાના સિદ્ધાંતોમાં સામર્થ્ય હશે તો તે પોતાની મેળે જ પોતાનો માર્ગ મેળવી લેવાના છે તેને માટે મારે તેનો ઝનુન પૂર્વક પ્રચાર કરવાનીયે આવશ્યકતા ન હોવી જોઈએ. તેવી રીતે બીજી વ્યક્તિ ઈસુ ખ્રીસ્તમાં માનતી હોય કે મહંમદ સાહેબ, મહાવીર સ્વામી કે ગૌતમ બુદ્ધ કે અન્ય મહાપુરુષના સિદ્ધાંતોમાં માનતી હોય તો તે સિદ્ધાંતો તેમણે તેમના જીવનમાં ઉતારવા જોઈએ કે તેને માટે વાદ-વિવાદ કરવા જોઈએ?

લોકો ઘણી વ્યક્તિને તેમના આદર્શ માનતી હોય છે. જેમ કે કોઈ સ્વામી વિવેકાનંદને, કોઈ કાર્લ માર્ક્સને, કોઈ ગાંધીજીને, કોઈ બક્ષી બાબુને, કોઈ રામકૃષ્ણ પરમહંસને, કોઈ અમીતાભ બચ્ચનને વગેરે. જેમને આદર્શ માને તેમના વિચારો અને આદર્શો તેમના જીવનમાં ઉતારવા જોઈએ કે તેના કોઈ વખાણ કરે તો ફુલાવું જોઈએ અને કોઈ વખોડે તો જાણે બાપે માર્યા વેર હોય તેમ ટંટા ફીસાદ શરુ કરવા જોઈએ?

દરેક વ્યક્તિ કશીક વિચારસરણીમાં માન્યતા ધરાવતી હોય છે. જેમ કે કોઈ સમાજવાદી હોય, કોઈ રેશનાલીસ્ટ હોય, કોઈ ઈશ્વરમાં માનતું હોય, કોઈ ઈશ્વરમાં ન માનતુ હોય, કોઈક પ્રકૃતિના પૂજક હોય, કોઈ સૌંદર્યનાપૂજક હોય, કોઈ વૈજ્ઞાનિક અભીગમ ધરાવતા હોય, કોઈ ધાર્મિક અભીગમ ધરાવતા હોય, કોઈ ભૌતિક્વાદી હોય, કોઈ અધ્યાત્મવાદી હોય વગેરે વગેરે. હવે જેમાં જે માનતું હોય તેવી માન્યતાને અનુરુપ તેમનું જીવન ઘડે તો કશો વાંધો નહીં પણ હું જ સાચો અને બીજા બધા ખોટા કે અધૂરા તેવા દાવા દલીલો કરવાની શું જરુર હશે?


સાહિત્ય ક્ષેત્રે જરા નહીં પણ સંપૂર્ણપણે હટકે લખનાર હોવાની છાપ ધરાવતાં બક્ષી બાબુને શ્રદ્ધાંજલી…


Categories: પ્રશ્નાર્થ | Tags: , , , , , | 2 Comments

ગુજરાતી સાથે નિસબત ધરાવતા તમારા મિત્રવર્તુળમાં આનો પ્રસાર કરવા વિનંતી.

લંડનથી પ્રગટ થતાં ગુજરાતી સામયિક અને વિચારપત્ર ઓપિનિયન (તંત્રી:વિપુલ કલ્યાણી)નો માર્ચ 2013નો અંક પ્રકાશિત થઈ ગયો છે. જે આ લિન્ક પરથી ડાઉનલોડ કરી શકાશે.

http://www.gujaratilexicon.com/magazine/opinion/84/download

આશરે 15000થી વધુ વાચકોને PDF ઓપિનિયન દર મહિને એમના inbox માં મળે છે.

માર્ચ 2013નો અંક એ ઓપિનિયનનો ‘આખરી’ અંક છે. 1995થી 2010 સુધીનાં 15 વરસો મુદ્રિત સ્વરૂપે અને ત્યાર બાદ 3 વરસો સુધી ડિજિટલ (PDF) સ્વરૂપે એમ 18 વરસોની સફર પછી ‘ઓપિનિયન’ દર મહિને પ્રગટ થતા અંક સ્વરૂપનો સંકેલો કરે છે. જો કે ઓપિનિયન એની વેબસાઈટ

http://us-mg6.mail.yahoo.com/neo/www.opinionmagznine.co.uk

દ્વારા જીવંત રહેશે અને સર્જકો દ્વારા મળતી કૃતિઓ આ વેબસાઈટ પર પ્રગટ થયાં કરશે.

વિલાયતના ગુજરાતી ડાયસ્પોરામાં, રોજિંદા જીવન અને વાણીવ્યવહારમાં અંગ્રેજીના વાવંટોળ વચ્ચે આ એકલવીરે ગુજરાતી ભાષાનો દીવડો પંડની આડશે આટલાં વરસો સુધી સુધી ટમટમતો રાખ્યો છે. આ માટે આપણા સૌની આ એકલવીરને સલામ. ‘પરદેશમાં ગુજરાતી ભાષા/સાહિત્ય’ની વાત નીકળે ત્યારે ઓપિનિયનનું નામ લીધા વગર ન જ ચાલે. આ બાબતે ઇતિહાસમાં પણ એનું એક આગવું સ્થાન હશે જ. ઓપિનિયનની અનેક દેણગીઓ વચ્ચે આટલી બાબતો ઊડીને આંખે વળગે એવી છે:

– એક પણ જાહેરાત લીધા વગર અઢાર-અઢાર વરસ સામયિક ચલાવવું.

– એકે હજારા શી ખમતી: તંત્રી, સંપાદક, પ્રૂફરીડર, વિતરકથી માંડી જે ગણો તે એક જ વ્યક્તિ અને એના પરિવારની નિષ્ઠા.

– અનેક નવા સર્જકો પહેલીવાર આ સામયિક દ્વારા ગુજરાતી ભાષાને મળ્યા.

– લેખકો અને પ્રતિભાવકોનો, સામયિકમાં છપાતાં ઠામ-ઠેકાણાં દ્વારા, સીધો સંપર્ક.

– ગમે તેવા આકરા પ્રતિભાવો/મંતવ્યોનો સ્વીકાર અને સામયિકમાં સ્થાન.

– તળ ગુજરાતના કોઈ પણ સામયિકમાં પણ દુર્લભ એવી ઊંચા સ્તરની જાગતિક, શિષ્ટ, પ્રકીર્ણ, સાહિત્યિક અને વૈચારિક સામગ્રીનું મૂલ્યનિષ્ઠ પીરસણ.

– ગુજરાતી ડાયસ્પોરા દ્વારા વિલાયત, અમેરિકા, કેનેડા, યુરોપ, ઓસ્ટ્રેલિયા અને આક્રિકા જેવા દેશોમાં રચાતા સાહિત્યનો અવિરત પ્રચાર-પ્રસાર અને એને તળ ગુજરાતના મુખ્યપ્રવાહના સાહિત્ય સાથે જોડવાનો અપૂર્વ પુરુષાર્થ.

વેબસાઈટ અને સોશિયલ મીડિયા દ્વારા ઓપિનિયન વૈશ્વિક ગુજરાતી કોમમાં કોઈ પણ જાતના વાડા/સિમાડા વગર હજી વધુ પ્રસરે અને ગુજરાતી લખતી – વાંચતી – બોલતી – જીવતી પેઢીઓને પોતીકું વાંચતી, વિચારતી અને લખતી કરે એવી શુભેચ્છાઓ.

વિપુલભાઈ અને ઓપિનિયનને તમારા સંદેશાના એક-બે વેણ આ લિન્ક પર જઈ પાઠવશો તો આભારી થઈશું.

https://www.facebook.com/groups/glauk/permalink/409971089101450/


શ્રી પંચમ શુક્લના ઈ-મેઈલ પરથી સીધું પ્રસારણ


Categories: ગુજરાતી, સમાચાર, સાધના, સાહિત્ય | Tags: , , , | 1 Comment

મારાં બેતાળાં ! – વીણેલાં ફૂલ (૧૬/૫)

Image7317


Vinela_Ful_16_5_1

Vinela_Ful_16_5_2

Categories: ટુંકી વાર્તા, વીણેલાં ફૂલ | Tags: , | 1 Comment

ક્યારે ’કા…કા…’ કરશે આ મૂંગો જીવ ? – વીણેલાં ફૂલ (૧૬/૪)

Child_Crow


Vinela_Ful_16_4_1

Vinela_Ful_16_4_2


Free_Crow

Categories: ટુંકી વાર્તા, વીણેલાં ફૂલ | Tags: , | Leave a comment

જન્મકથા એક લીલધરની – વીણેલાં ફૂલ (૧૬/૩)

Image7314


Vinela_Ful_16_3_1

Vinela_Ful_16_3_2

Categories: ટુંકી વાર્તા, વીણેલાં ફૂલ | Tags: , | Leave a comment

સંબંધોની નાજુકાઈ – વીણેલાં ફૂલ (૧૬/૨)

Image7309


Vinela_Ful_16_2_1

Vinela_Ful_16_2_2

Categories: ટુંકી વાર્તા, વીણેલાં ફૂલ | Tags: , | Leave a comment

’હા, બેબીશાબ ! ઠી…ઈ…ઈ…ક ?’ – વીણેલાં ફૂલ (૧૬/૧)

Image7311


Vinela_Ful_16_1_1

Vinela_Ful_16_1_2

Categories: વીણેલાં ફૂલ | Tags: , | Leave a comment

વર્ડપ્રેસના બ્લોગરો શું આ જાણે છે?

પ્યારા બ્લોગરો,

વર્ડપ્રેસ ઘણી સુવિધાઓ આપતું હોય છે જેનાથી ઘણી વખત આપણે અજાણ હોઈએ છીએ. વર્ડપ્રેસના
સંચાલન વિભાગમાં

Screen Option છે.

તેમાં જવાથી

Right Now
Recent Comments
Your Stuff
What’s Hot
QuickPress
Recent Drafts
Stats

આટલા વિકલ્પો મળે છે. તેની બાજુમાં રહેલ ચોરસ બોક્સ જેને ચેક બોક્સ કહેવાય તેના પર ક્લિક કરવાથી (ચેક કરવાથી) તે વિકલ્પ સંચાલનની સ્ક્રીનમાં દેખાશે. અને જો તેને ફરી વખત ક્લિક કરવામાં આવશે (અન ચેક) તો તે વિકલ્પ સ્ક્રીનમાં દેખાતો બંધ થઈ જશે. આ વિકલ્પો શું કાર્ય કરે છે તે તમે જાતે પ્રયોગ કરીને જોઈ જુઓ. અહીં હું માત્ર

What’s Hot

વિકલ્પ વિશે વાત કરીશ.

What’s Hot વિકલ્પ પસંદ કરવાથી તેના ૪ Tab દેખાશે.

WordPress.com News
Top Blogs
Top Posts
Latest

તે દરેક Tab પર ક્લિક કરવાથી જે તે Tab ને લગતી ૧૦ માહિતિ મળશે. જેમ કે

Wordpress.Com News પર ક્લિક કરવાથી વર્ડપ્રેસ દ્વારા પ્રસારીત થયેલ છેલ્લા દસ સમાચાર જાણવા મળશે.

Top Blogs પર ક્લિક કરવાથી જે તે ભાષાના હાલમાં સહુથી વધુ વંચાતા બ્લોગની યાદી મળશે. અહીં જે તે ભાષાની વાત અગત્યની છે. તમે જે ભાષામાં તમારો બ્લોગ રાખ્યો હશે તે ભાષાના Top Blogs ની યાદી મળશે.

Top Posts પર ક્લિક કરવાથી જે તે ભાષાની સહુથી વધુ વંચાતી દસ પોસ્ટની યાદી મળશે.

Latest પર ક્લિક કરવાથી જે તે ભાષાની તાજેતરમાં પ્રસારીત થયેલી દસ પોસ્ટની યાદી જોવા મળશે.

ધારો કે તમે તમારી ભાષા અંગ્રેજી રાખી છે તો તમને ગુજરાતી બ્લોગની યાદીને બદલે અંગ્રેજી બ્લોગની યાદી મળશે. તેવી રીતે હિન્દિ, ચાઈનીસ, જાપાનીસ કે ફ્રેંચ ભાષા રાખી હશે તો તે ભાષાના બ્લોગની યાદી જોવા મળશે. સ્વાભાવિક છે કે જો તમે ગુજરાતી ભાષા સીવાયની અન્ય ભાષા રાખી હોય તો જેમણે ગુજરાતી ભાષા રાખી હોય તેમને તમારા બ્લોગ પર થતી પ્રવૃત્તિની માહિતિ અહીં બેઠા ન મળે. ઘણી વખત તમારો બ્લોગ કે લેખ વધારે વંચાતો હોય તોએ તે આ યાદીમાં ન આવે. તો જેમણે તેમની ભાષા ગુજરાતી ન રાખી હોય તેઓ આજે જ તેમની ભાષા ગુજરાતી કરી દેશે ને?

આ ભાષા ગુજરાતી ક્યાંથી કરવી?

સાવ સહેલું છે.

સંચાલન માં જાવ.

ત્યાં નીચેના ભાગમાં Setting છે ત્યાં જાવ.

તેમાં સહુથી નીચેનો વિકલ્પ ભાષાનો છે ત્યાં જઈને અનેક ભાષાઓમાંથી ગુજરાતી પસંદ કરો.

ત્યાર બાદ તેની નીચે રહેલ Save વિકલ્પ પર ક્લિક કરવાનું ન ભુલશો.

આટલું કરવાથી તમેય આવી જશો વર્ડપ્રેસના ગુજરાતી બ્લોગ-જગતમાં.

શું તમે ગુજરાતી બ્લોગ-જગતમાં છો?

નથી તો રાહ કોની જુવો છો?

અત્યારે જ આવી જાવ યાર..

Categories: ટેકનીકલ, ટેકનીકલ/તકનીકી | Tags: , , , | 5 Comments

દાદાની વાડીમાંથી મળ્યો પ્રાકૃતિક ખજાનો

અતુ..લ….

બાની બુમ સાંભળીને હું દોડતો આવ્યો અને પુછવા લાગ્યો કે શું બા?

જો અતુલ તને ખબર છે ને કે આપણે સાત-આઠ દિવસ ઘર સંભાળવનું છે. હા બા મને ખબર છે. શું કામ હતુ તે કહો.

જો આગળના ફળીયામાં આંબાનો મ્હોર ખર્યા કરે છે અને કેટલો કચરો પડે છે. હવે મારા પગ ચાલતા નથી તો તું કચરો વાળી નાખીશ?

હા બા તેમાં શું? હમણાં કચરો વાળવા લાગું છું.

હજુ તો કચરો વાળવાનો પુરો થાય ન થાય ત્યાં તો બાએ બુમ પાડી અ..તુ…લ….

ફરી પાછો બા પાસે પહોંચીને પુછવા લાગ્યો કે શું બા?

જો અતુલ હમણાં પાણી આવશે. પીવાનું પાણી તું ભરી લઈશ ને?

હા બા હમણાં ભરી લઉ છુ.

પાણી ભરાવાનું પુરુ થયું ત્યાં તો બાનો ફરી સાદ આવ્યો અ..તુ…લ….

પાછો પહોંચ્યો બા પાસે કે શું બા?

પાણી ભરાઈ ગયું?

હા

તો પાછળના પ્લોટમાં દાદાની વાડીમાં આંટો મારી આવ. ત્યાં આંબામાં મ્હોર કેવોક આવ્યો છે તે જોતો આવ અને ખાસ તો જોજે કે ત્યાં આજે નવા જ ફુલ ખીલ્યાં છે. જા ત્યાં જઈને બધું જોઈ આવ અને થોડા ફોટાએ પાડી લેજે ત્યાં હું લોટ બાંધી રાખું છું એટલે તને ગરમા ગરમ રોટલી જમાડી શકું.

સારુ બા હું હમણાં જ જઈને આવું છું.

અને દાદાની વાડીમાંથી મળ્યો પ્રાકૃતિક ખજાનો…



તમે થોડી વાર આ પ્રાકૃતિક વૈભવ માણો ત્યાં હું બાના હાથની ગરમા ગરમ રોટલીનું ભોજન જમીને આવું હો.. અને હા, ઓડકાર ખાતો ખાતો પાછો આવું ત્યાં સુધી તમે અહીં રહેશો ને?

Categories: કુટુંબ, કુદરત, કેળવણી, પ્રકૃતિ, પ્રશ્નાર્થ, મધુવન, વાર્તાલાપ તથા પ્રશ્નોત્તરી, સૌંદર્ય | Tags: , , | Leave a comment

Create a free website or blog at WordPress.com.