આ કન્યા સંપૂર્ણ અંધ છે. તે કે.કે.અંધ શાળા ભાવનગરમાં ૧૧મા ધોરણમાં ભણે છે. ૫મી તારીખે શિક્ષક દિવસ હતો. શાળાએ વિદ્યાર્થીઓ માટે એક કાર્યક્રમ રાખ્યો હતો. કેટલાક વિદ્યાર્થીઓએ શાળામાં શિક્ષક તરીકે ભણાવવાનું હતું. આ વિદ્યાર્થીનીએ આ ખાસ દિવસે ગૃહમાતા તરીકેની ભૂમિકા ભજવી હતી. મારા મિત્ર શ્રી પ્રવીણભાઈ ભટ્ટે તેમનો આ ફોટોગ્રાફ લીધો હતો.તેનું નામ જસ્મીન છે અને તે વ્હોરા છે. બીજી અન્ય વિદ્યાર્થીનીઓએ તેને આવી સુંદર રીતે તૈયાર થવા માટે મદદ કરી હતી.
