Monthly Archives: September 2011

હંસ: માનસરોવરની યાત્રાએ…. (૩૮-૩૯)

Categories: પત્રો/પત્ર વ્યવહાર, વાર્તાલાપ તથા પ્રશ્નોત્તરી | Tags: , , , | Leave a comment

આજનું ચિંતન – આગંતુક

જેના મનમાંથી દુશ્મનાવટ નીકળી જાય તેના બધા દુશ્મનો નષ્ટ થઈ જાય છે.

Categories: ચિંતન | Tags: , | Leave a comment

હંસ: માનસરોવરની યાત્રાએ…. (૩૬-૩૭)

Categories: પત્રો/પત્ર વ્યવહાર, વાર્તાલાપ તથા પ્રશ્નોત્તરી | Tags: , , , | Leave a comment

ગાંડા ની વણઝાર

મીત્રો,

જો તમારે મસ્તીથી જીવવું હોય તો દુનિયા ગાંડા, મુર્ખ કે પાગલ ગણે તો જરાયે ચિંતા ન કરશો. આ યાદી જોઈ લ્યો અને ઉમેદવારી નોંધાવવી હોય તો આજે જ નામ લખાવી દ્યો 🙂


ગાંડા ની વણઝાર, એનો ગણતા ના આવે પાર
જો જો તમે આ ગાંડાની વણઝાર….જી
એનો ગણતા ના આવે પાર

શુક ગાંડો, ધ્રુવ ગાંડો, અને ગાંડો ત્યાં ભૂપ કુમાર.. જી
નારદજી તો એવા ગાંડા, જેણે બાંધ્યા નહિ ઘર બાર
જો જો તમે આ ગાંડાની વણઝાર….જી

ગાંડા હનુમંત, ગાંડા વિભીષણ, ગાંડી શબરી નાર.. જી
ગાંડા ગુહ્ય હે પગ ધોઈ ને, પ્રભુ ઉતાર્યા પાર
જો જો તમે આ ગાંડાની વણઝાર….જી

ગોકુળ ગામની ગોપીઓ ગાંડી, ભૂલી ઘર વ્યવહાર.. જી
બંસી નાદે ચાલી નીકળી, સુતા મેલી ભરથાર
જો જો તમે આ ગાંડાની વણઝાર….જી

સુદામા ના ગાંડપણે તો વેઠયા ભૂખ અંગાર.. જી
પાંચ પાંડવ એવા ગાંડા, જેણે છોડ્યા નહિ કિરતાર
જો જો તમે આ ગાંડાની વણઝાર….જી

વિદુર પત્ની ગાંડી થઈને, રટે નંદ કુમાર.. જી
છબિલાને એ છોતરા આપ્યા, ગર્ભ ફેંક્યા બહાર
જો જો તમે આ ગાંડાની વણઝાર….જી

બોડાણા નાં ગાંડપણે તો કામ કર્યું હદપાર..જી
દ્વારિકા નો ઠાકોર આવ્યા, ડાકોર ગામ મોજાર
જો જો તમે આ ગાંડાની વણઝાર….જી

કબીર, તુલસી, સુર ગાંડો અને રોહિદાસ ચમાર..જી
મોરાંદે તો ગાંડા થઈ ને, ગાંડો કીધો સંસાર
જો જો તમે આ ગાંડાની વણઝાર….જી

ધનો ગાંડો, આ ધીરો ગાંડો અને ગાંડો પ્રીતમ પ્યાર..જી
સખુ મીરાં કર મા ગાંડી, જેણે છોડ્યા જગ થી તાર
જો જો તમે આ ગાંડાની વણઝાર….જી

દાદુ ગાંડો, પીપો ગાંડો અને અખૈ યો એ સોનાર..જી
પંઢર પૂર માં, ગોરો ગાંડો, ઈતો ઘડા નો ઘડનાર
જો જો તમે આ ગાંડાની વણઝાર….જી

નામો , ગામો, સૂકો, ગાંડો અને મૂળદાસ લોહાર ..જી
જલારામ ની વાત શું કરવી, જેણે વળાવી ઘરની નાર
જો જો તમે આ ગાંડાની વણઝાર….જી

જુનાગઢ નો નાગર ગાંડો, ઈ તો નાચ્યો થૈ થૈ કાર..જી
બાવન કામ, કર્યા પ્રભુ એ, એના છતાં આવ્યો નહિ અંહકાર
જો જો તમે આ ગાંડાની વણઝાર….જી

થયા ઘણા અને હાલમાં પણ છે, અને ભવિષ્યે પણ થનાર ..જી
ભક્ત કુળનો નાશ નથી, એ બોલ્યા જગત આધાર
જો જો તમે આ ગાંડાની વણઝાર….જી

દુનિયા એ જેને ગાંડા ગણ્યા પણ હરિ ને મન હોંશિયાર..જી
ગોવિંદ ગાંડો, એનું ગીત ગાંડુ, ને ગાંડા સાંભળ નાર
જો જો તમે આ ગાંડાની વણઝાર….જી

ગાંડા ની વણઝાર, એનો ગણતા ના આવે પાર
જો જો તમે આ ગાંડાની વણઝાર….જી


ટાઈપ સૌજન્ય: દાદીમાની પોટલી

Categories: ભજન / પદ / ગીત / કાવ્ય / ગઝલ | Tags: , | 3 Comments

વિજેતા – પ્રેરણા અને પ્રોત્સાહન (૨૦)


મીત્રો,

શું વિજેતા જન્મે છે? ના, વિજેતા બનવું પડે છે. તે માટે પુરુષાર્થ કરવો પડે છે. રાજાનો દિકરો રાજા થાય તે જમાનો હવે ચાલ્યો ગયો છે. અહીં તમારે આગળ આવવા માટે સતત પ્રયાસ કરવો પડે, મહેનત કરવી પડે, કાર્ય કરવા પડે. ઉંચા કુળમાં કે સંપતિવાન તરીકે જન્મ્યા હો તેથી તમારો વિજય નિશ્ચિત નથી થઈ જતો. રાહુલ ગાંધી સોનાની ચમચી લઈને જન્મ્યા અને શ્રી નરેન્દ્ર મોદી સરકારી શાળામાં ભણીને સંઘર્ષ કરીને આજે મુખ્યમંત્રી પદે પહોંચ્યા – શું બંને વચ્ચે કોઈ ફરક નથી? ફરક કેમ નથી? લાખ ગાડાનો ફરક છે. આજે મોદી સાહેબની એક હાકલે લોકો પ્રેમથી દોડી આવે છે – રાહુલ ગાંધી પાસેથી પૈસાનું અને રાજકીય પીઠ બળ લઈ લ્યો અને કહો કે જાવ શેરીમાં જઈને ૫૦ માણસોને મળી આવો – તો કોઈ કામ પડતા મુકીને મળવાયે નહીં આવે.

જીવનમાં જેમણે જેમણે વિજય પ્રાપ્ત કર્યો છે તેમણે પ્રયાસ કર્યો છે, રાત – દિવસ તપશ્ચર્યા કરી છે. કેટલાયે દોડવીરોએ રમતના મેદાનમાં કેટલીયે વાર દમ તોડ્યો છે ત્યારે તેમના હાથમાં ચંદ્રક શોભી ઉઠ્યા છે. જે પ્રજાએ સંઘર્ષ કર્યો, સતત કાર્યરત રહી, ઉત્સાહ અને જોમ પૂર્વક પોતાના ધ્યેય તરફ કુચ કદમ કરતી રહી તે પ્રજાના ચરણોમાં આજે બીજી પ્રજાઓ આળોટે છે. જે પ્રજાઓ અળસીયાની જેમ માત્ર ઉદર નીમીત્તે સળવળતી રહી. ન કશે ગઈ ન કશેથી કશું શીખી. ન તો પોતે કશું આપ્યું ન તો કોઈ પાસેથી કશું મેળવવાની ઝંખના રાખી તે પ્રજાઓ ની આજે વૈશ્વિક ફલક પર નોંધ પણ લેવાતી નથી.

કેટલાયે લોકો એવા છે કે જે વિજેતા બનવાની ઈચ્છા તો રાખે છે પણ તેમને પુછીએ કે ભાઇ વિજેતા બનવા માટે તે શું આયોજન કર્યું છે? શું દિન ચર્યા ગોઠવી છે? તે માટેની તમારી વ્યુહ રચના અને કાર્ય પદ્ધતિ શું છે? તો તેઓ માથું ખંજવાળતા કહે છે કે તે બધું વળી શું? રમતના મેદાનમાં જવાનું અને આવડે તેવું પરફોર્મન્સ દાખવવાનું અને જીતાય તો જીત્યા નહીં તો કાઈ નહી. આવી મનોદશાવાળા કદી વિજેતા ન થઈ શકે. વિજેતા બનવા માટે તો સતત મથવું પડે, ચોક્ક્સ અભ્યાસ કરવો પડે, જે પ્રકારનું પરીણામ જોઈતું હોય તે પ્રકારની મહેનત કરવી પડે. જેવો પાક લણવો હોય તેવા બીજ વાવવા પડે.

વિજેતા બનવાનો પ્રયાસ કરનારનો માર્ગ શું ફુલોથી પથરાયેલો હોય છે? બીલકુલ નહીં – તેના રસ્તામાં ઠેર ઠેર કંટકો પથરાયા હોય છે. કેટલાયે વિઘ્નસંતોષી કારણ વગર તેમની ટીકા કરવા માટે અને તેમને હતોત્સાહ કરવા માટે પોતાના અમૂલ્ય સમય અને શક્તિનું દાન કરી રહ્યાં હોય છે – જેથી વિજેતા ખરેખર વિજેતા બને ત્યારે તેને અહેસાસ થાય કે આવા વગર મફતના વિરોધીઓ ન હોત તો મારા વિજયની ય કોઈ કિંમત ન હોત. પરીણામે જ્યારે તે ચંદ્રકને ખુશીથી ચૂમતા હોય છે ત્યારે પેલા ઈર્ષાળું ટિકાકારોના હ્રદયમાં લ્હાય બળતી હોય છે.

આપણે હરીફાઈમાં ભાગ ન લઈએ, કદાચ વિજેતા ન બનીએ પણ પુરુષાર્થ કરનારા લોકોના રસ્તામાં વિઘ્નરુપ ન બનીએ તો યે આપણો દેશ આજે છે તેના કરતાં કેટલો યે આગળ નીકળી જાય.

વિજેતા બનનારને ચંદ્રક તો મળે છે પણ સાથે સાથે પોતે કશુંક સિદ્ધ કર્યું છે તેવું આત્મ-ગૌરવ પણ પ્રાપ્ત થાય છે.

મીત્રો, તો આજથી જ પોત પોતાના ક્ષેત્રમાં વિજેતા બનવા માટે પુરુષાર્થ શરુ કરશું ને?

Categories: પ્રેરણા / પ્રોત્સાહન | Tags: , , , | 3 Comments

હંસ: માનસરોવરની યાત્રાએ…. (૩૫)

Categories: પત્રો/પત્ર વ્યવહાર, વાર્તાલાપ તથા પ્રશ્નોત્તરી | Tags: , , , | Leave a comment

મહત્વાકાંક્ષા – પ્રેરણા અને પ્રોત્સાહન (૧૯)


મીત્રો,

શું તમારા જીવનમાં કોઈ મહત્વાકાંક્ષા છે? તો જરૂર તમને જીવન જોમ પૂર્વક જીવવાનું બળ મળશે. ધારો કે તમે કોઈ લેખક છો અને તમારી મહત્વાકાંક્ષા છે કે અનેક લોકો તમારા જીવનના અનુભવોમાંથી શીખે તો તમે તમારા લેખ વિચાર પૂર્વક લખશો. તેમાં તમારું પુરે પુરુ હ્રદય નીચોવીને લેખ દ્વારા તમારી લાગણી વ્યક્ત કરશો. તમારા નાના નાના એકાદ બે વાક્યો પણ તમારા વાંચકને હલબાલાવી મુકશે – વિચારતાં કરી દેશે. ધારો કે તમે કોઈ વૈજ્ઞાનિક છો અને તમારી મહત્વાકાંક્ષા છે કે મારે જગતને કશીક એવી શોધ આપીને જવું છે કે જેથી જગતના જીવો વધારે સારી રીતે જીવી શકે. તો તમે રાત – દિવસ સતત પ્રયોગ કરીને એવું એવું શોધી કાઢશો કે જેથી તમારી તે અવનવી શોધો માનવ જાત માટે આશિર્વાદ રુપ થઈ જાય. ધારોકે તમે બ્લોગર છો અને તમારી મહત્વાકાંક્ષા છે કે બ્લોગના માધ્યમથી હું ઉદ્દાત લાગણી, ઉચ્ચ વિચારો, હકારાત્મક વાતાવરણ ખડું કરવા માંગુ છું – તો તમે રોજે રોજ કે અનુકુળતાએ સમય કાઢીને તમારા બ્લોગ પર જીવનોપયોગી સાહિત્ય મુકશો કે જેમાંથી કશુંક તો વાંચનારને જરૂર સ્પર્શી જાય.

કેટલીયે વાર એવું બને છે કે આપણી જે મહત્વાકાંક્ષા હોય તે પુરી થવાની અણી પર હોય અને ધીરજ ખુટી જાય, પ્રયત્નો અટકી જાય અને છેક હાથમાં આવેલો પ્યાલો આપણે હડસેલી દઈએ કે ઢોળાઈ જાય અને તેથી જ તો જીવનના છેલ્લાં શ્વાસ સુધી તમારી મહત્વાકાંક્ષા પુરી કરવા માટે અથાગ પ્રયત્નો કરવા તેમાં જ બહાદુરી અને સફળતાની શક્યતાઓ રહેલી છે.

કેટલીક વખત એવું બને છે કે આપણે અયોગ્ય મહત્વાકાંક્ષા રાખીએ કે જે બીજા પર આધારીત હોય. જેમ કે મનુષ્યોનો એક સમુહ તેમ ઈચ્છે કે આ આખુંયે વિશ્વ મુસ્લીમ ધર્મ અંગીકાર કરી લે તો જગતમાં બધું સુપેરે ગોઠવાઈ જાય અથવા તો એક સમુહ તેમ વિચારે કે આ જગતના બધા લોકો જો ખ્રીસ્તી બની જાય તો આ જગત પહેલા કરતા અનેક ગણું વધારે રહેવા લાયક બની જાય. તેવી જ રીતે જાત જાતની માન્યતાઓ ધરાવતા લોકો તેમ ઈચ્છે કે જગતના બધા લોકો મારી જેવું માનવા લાગે તો તો કોઈ સમસ્યા જ ન રહે. તો ખેદ સાથે કહેવું પડે કે આવી મહત્વાકાંક્ષા પુરી ન થઈ શકે કારણ કે તે મહત્વાકાંક્ષા રાખવામાં પાયાથી જ ભૂલ કરવામાં આવી છે. મહત્વાકાંક્ષા તેવી હોવી જોઈએ કે જેમાં સ્વ નો વિકાસ હોય અને પરમાર્થનો પ્રયાસ હોય. તેમાં સામાને બદલવાની કે બદલો લેવાની ભાવના ન હોય પણ સામાને સ્વીકારવાની કે સહાયરુપ થવાની ભાવના હોય.

મહત્વાકાંક્ષા પુરી ન થાય કે થાય તો તેથી નીરાશ ન થવું જોઈએ કે હરખાઈ ન જવું જોઈએ. જો એક લક્ષ્ય સારી રીતે પાર પડે તો વધારે ઉંચો લક્ષ્યાંક રાખીને આગળ વધવું જોઈએ. જો સતત પ્રયત્ન કરવા છતાં નીષ્ફળતા મળે તો ક્યાં ભુલ થાય છે તે ભુલ શોધીને ફરી પાછો પ્રયાસ કરવો જોઈએ. ભુલ પકડાયા પછી લાગે કે મહત્વાકાંક્ષા જ ખોટા પ્રકારની રખાઈ ગઈ છે તો તે પ્રકારની મહત્વાકાંક્ષાને હસતા મુખે છોડી દેવાની તૈયારી રાખવી જોઈએ.

તો મીત્રો, આજથી જ આપણી મહત્વાકાંક્ષા પુર્ણ કરવા માટે એડી ચોટ્ટીનું જોર લગાવીને મચી પડશું ને?

Categories: પ્રેરણા / પ્રોત્સાહન | Tags: , , , | Leave a comment

હંસ: માનસરોવરની યાત્રાએ…. (૩૪)

Categories: પત્રો/પત્ર વ્યવહાર, વાર્તાલાપ તથા પ્રશ્નોત્તરી | Tags: , , , | Leave a comment

ઉચ્ચ વિચાર – પ્રેરણા અને પ્રોત્સાહન (૧૮)

મિત્રો,

આપણે સહુ આ પંક્તિથી સુમાહિતગાર છીએ:

નીશાન ચૂક માફ, નહિં માફ નીચું નીશાન.

કેટલાંક લોકો બહુ સંતુષ્ટ હોય છે. થોડામાં ઘણું, જે છે તેમાં ચલાવી લઈશું. જેમ ચાલે છે તેમ ચાલવા દઈએ. આવું આવું ઢીલું ઢીલું બોલ્યા કરે. તેમના મનમાં ક્યારેય કશું નવું કરવાનું, ક્યારેય કશું વિશેષ વિચારવાનું, ક્યારેય જીવનમાં નવા નવા રસો ઉમેરવાની ઈચ્છા થતી નથી. વિદ્યાર્થીઓ અભ્યાસ કરતા હશે તો અભ્યાસક્રમ સીવાયનું કશું નહીં વાંચે. નવું કશું વિચારશે નહી. ડોક્ટર હશે તો એકધારુ કાર્ય કરશે પણ દર્દીને વધુ રાહત કેમ થાય તેવા વિચારો નહીં કરે. એંજીનીયરો ખાલી પ્રોડક્શન પુરતું ધ્યાન આપશે પણ નવી નવી પ્રોડક્ટો ડેવલપ કરવાનું નહીં વિચારે. ગઝલકાર હશે તો એકધારી ગઝલો લખશે પણ ક્યારેય રચનાત્મક લેખ નહીં લખે કે કોઈ સારુ કાવ્ય લખવાનું તેને મન નહીં થાય. ટુંકમાં જે કાઈ કરતા હોય તે કરતા રહેવાનું. કશું યે નવું નહીં વિચારવાનું.

ખરેખર જો જીવનને હર્યું ભર્યું જીવવું હોય, પુરે પુરુ માણવું હોય તો આપણે વધુ વિચારવું જોઈએ, ઉંચું વિચારવું જોઈએ, વિશેષ વિચારવું જોઈએ. જો ધીરુભાઈ કાયમ સીંગાપુર રહ્યાં હોત તો આવડી મોટી ઈન્ડસ્ટ્રીઝ સ્થાપી શક્યા હોત? જો કરસનભાઈ કાયમ સાયકલ ચલાવતા હોત તો શું આજે હેમા/રેખા/જયા અને સુષ્મા તેમની પ્રોડક્ટને પસંદ કરતા હોત?

જેમણે જેમણે ઉંચું વિચાર્યું, ઉંડુ વિચાર્યું, ક્ષુલ્લક બાબતોને છોડીને નવું અને હકારાત્મક વિચાર્યું તે બધા આજે લોકહ્રદયમાં હીરો બની ગયાં છે. જેમણે માત્ર એકધારાપણું દાખવીને માત્ર પોતાની ઘરેડમય વિચાર સરણી પ્રમાણે જીવવાનું ચાલુ રાખ્યું તે બધા તો આજે છ અબજ લોકોના એક ટોળા સીવાય બીજું કશું નથી.

સ્વામી વિવેકાનંદ કહે છે: સારા કાર્યો હંમેશા સારા વિચારોથી થાય છે – તેથી આપણાં મસ્તીષ્કને સર્વોચ્ચ વિચારો અને આદર્શોથી ભરી દેવા જોઈએ અને ત્યાર બાદ તેમાંથી જ મહાન કાર્યોનો જન્મ થશે.

ઝીણી ઝીણી અને ક્ષુલ્લક બાબતોની બહુ પરવા ન કરવી જોઈએ, આપણે ખુશ ખુશાલ, અને આનંદી બનવું જોઈએ. કોઈ જરાક આમ બોલે અને આપણે રીસાઈ જઈએ, કોઈક જરાક વાંકુ ચાલે અને આપણે ઉદાસ થઈ જઈએ એવા નબળા મનના આપણે ન થવું જોઈએ. આપણે તો હસતા હસતા કહેવું જોઈએ કે પૃથ્વી હલે કે આભ પડે પણ હું તો હર હાલમેં ખુશ રહીશ.

જે લોકો સફળ થયા છે તેઓ જરૂર પ્રસન્ન વ્યક્તિત્વના માલીક હશે કારણ કે ઉચ્ચ વિચારો અને ઉચ્ચ હ્રદય ધરાવનાર હંમેશા પ્રસન્ન રહી શકે છે.

આપણી સમક્ષ અનેક તકો છે, અનેક શક્યતાઓ છે, અનેક માર્ગ છે. એક માર્ગે નીષ્ફળ જઈએ તો બીજા માર્ગે જઈએ. એક તક ચૂકીએ તો બીજી તક ઝડપી લઈએ. એક શક્યતા પાંગળી પુરવાર થાય તો બીજી શક્યતા તરફ નજર દોડાવીએ.

આપણે નીશ્ચય કરીએ કે આ જીવનના અંતે હું ભલે ખાલી હાથે જઈશ – પણ તે દરમ્યાન આ દુનિયાને તો હું મારા અસ્તિત્વથી ભરી ભરી અને ખુશ ખુશાલ કરતો જઈશ.

તો દોસ્તો આજથી જ ઉચ્ચ વિચારો,ઉચ્ચ આચારો અને સરળ જીવનશૈલીથી આપણાં અને અન્યના જીવનમાં અનહદ ઉજાસ લાવવાનો પ્રયત્ન શરું કરશું ને?

Categories: પ્રેરણા / પ્રોત્સાહન | Tags: , , , | 4 Comments

ગુરુ મહિમા – સ્વામી ભજનપ્રકાશાનંદગિરિજી

Categories: અધ્યાત્મ / યોગ, ભજન / પદ / ગીત / કાવ્ય / ગઝલ | Tags: , , | Leave a comment

Create a free website or blog at WordPress.com.