Daily Archives: 18/05/2011

તમારી એક ફૂટી કે બે?

સજીવાએ નીર્જીવાને ઘડ્યો ,
પછી કહે કે મને કાઈક દે ;
કહે અખો હે બુદ્ધુઓ તમારી એક ફુટી કે બે ?


અખા ભગત ચાબખા મારવા માટે જાણીતા છે. અહીં મુર્તીપૂજકોને તે એક વેધક સવાલ કરે છે: કે તમારી એક આંખ ફુટી કે બે?

પથ્થર, ધાતુ, માટી, લાકડું કે અન્ય કોઈ પણ નીર્જીવ પદાર્થમાંથી સજીવોએ (મુખ્યત્વે મનુષ્યોએ) મુર્તી ઘડી. તેને મંદિરમાં બેસાડી અને પછી તેને હાથ જોડીને કરગરવા લાગ્યા કે હે પ્રભુ, હે ભગવાન, હે માતાજી, હે, હે, હે મને કાઈક દે. અરે જેનું સર્જન પોતે કર્યું છે તેની પાસે માંગવાનું? પણ આ જગતમાં સહુથી વધારે બુદ્ધિનું દેવાળું કાઢનાર કોઇ હોય તો તે માણસો છે.

જેને જીવંત બાળકોમાં, માતા-પિતામાં, ભાઈ-બહેનોમાં, આડોશ-પાડોશમાં, સર્વ મનુષ્યોમાં અને પ્રાણીઓમાં અને ચૈતન્યમય સજીવોમાં પરમાત્મા નથી દેખાતા અને નીર્જીવ મુર્તીઓને હાથ જોડ્યા કરે, તેના વાઘા બદલ્યા કરે, તેને નવરાવ્યા કરે, તેની ઉપર ફૂલ ચડાવ્યા કરે (હું તો રોજ સવારે કવિતાને તાજા મોગરાના ફૂલ આપુ છું અને તે પ્રસન્ન થાય છે) અને તોયે કદી આ મુર્તીને પ્રસન્ન થતી જોઈ છે?

એટલે અખા ભગતે કહેવું પડ્યું કે છતી આંખે તમે આંધળા જેવા છો – તમારી બુદ્ધિ બહેર મારી ગઈ છે. તમારી કરતાં તો આંધળા સારા કે જે પોતાના જ્ઞાનચક્ષુથી યોગ્ય નીર્ણય લઈ શકે છે.

Categories: ચિંતન | Tags: , , | 4 Comments

Blog at WordPress.com.