આ તો રમત છે

જીત પણ મળે – આ તો રમત છે
હાર પણ મળે – આ તો રમત છે
ટાઈ પણ મળે – આ તો રમત છે

જીત મળે તો – જીત મુબારક
હાર મળે તો – હાર મુબારક
સહુને યારો – ટાઈ મુબારક

નથી હારનો ગમ
નથી જીતનો હર્ષ
આ તો ટાઈ છે – માણ્યો રમતનો આનંદ

SMS (2) – આગંતુક

ધમપછાડા કર્યે હવે શું વળશે?
ઘોડા ભાગી ગયા પછી તબેલાને તાળા માર્યે શું વળશે?
સરી ગયો સમય પછી માથે હાથ દઈને બેસવાથી શું?
ઉભા થાવ, કરો નવજીવનની શરૂઆત – બાળસહજ ઉત્સાહ સહિત નવેસરથી !!

SMS (1) – આગંતુક

મને ન મળ્યો તો કાઈ નહિં – તેલ લેવા જા !!!
પણ બીજાને શું કામ મળ્યો ???
હવે હુંયે નહિં જંપુ અને ;
તનેય સખે નહિં બેસવા દઉ.

હું તો એક શાશ્વત અસ્તિત્વ છું – આગંતુક

હું મનુષ્ય નથી, હું પુરુષ નથી;
હું સ્ત્રી નથી , હું બાળક નથી;
નથી કોઈ મારી જાત કે પાત;
હું તો એક શાશ્વત અસ્તિત્વ છું.

ન હું જન્મુ ને, કદી ના મરુ;
ન હું શ્વસુ ને, ન હું વસુ કશે;
સઘળું કાઈ મારામાં ઓતપ્રોત;
હું તો એક શાશ્વત અસ્તિત્વ છું.

ન કોઈ મારો દેશ, ન ભાષા;
ન હું કશું બોલું, ને ન ચૂપ રહું;
આસપાસ સર્વત્ર,અહી ને આઘે;
હું તો એક શાશ્વત અસ્તિત્વ છું.

વિવિધ દૃશ્ય તરંગો મુજમાં ઊઠે;
અને વળી શમે, પાછા મુજ મહી;
ઉષાસંધ્યાના રંગો, શમે કાળરાત્રીમાં;
હું તો એક શાશ્વત અસ્તિત્વ છું.

સુતો ત્યારે સ્વપ્નમાં, વિલસી રહ્યો;
જાગ્યો તો મુજ વિણ, કશુ ના મળે;
જાગ્રત,સ્વપ્ન ને વળી સુષુપ્તિમાંયે;
હું તો એક શાશ્વત અસ્તિત્વ છું.

મુદ્રાઓ