જાવ ! કહેશો તો અમે ચાલ્યાં જશું – આગંતુક

જાવ ! કહેશો તો અમે ચાલ્યાં જશું,
પણ પછી તમારું શું થાશે?

અમે તો ધ્યાન કરશું – યોગ કરશું,
પણ પછી તમારું શું થાશે?

જાકારો ન આપશો અમે રીસાઈ જશું.
પણ પછી તમારું શું થાશે?

ગામ આખા હારે ગામ-ગપાટા હાંકશું,
પણ પછી તમારું શું થાશે?

ખભે થેલો નાખીને ધુળીયે મારગ હાલીશું,
પણ પછી તમારું શું થાશે?

દૂર રહી-રહીને પણ તમારી ફીકર કરશું,
પણ પછી તમારું શું થાશે?

બોલાવી લ્યો પાછો, સંગે આનંદ કરશું,
આખું જગ આપણું ગાણું ગાશે…..

આજનું ચિંતન – આગંતુક

કેટલાંક લોકો એવા હોય છે કે જે હંમેશા કકળાટ જ કર્યા કરે છે.
(એમના કુટુંબીજનો માટે પ્રાર્થના સીવાય બીજું શું થઈ શકે????)

કેટલાંક લોકો એવા હોય છે જે હંમેશા બીજાએ શું ભુલો કરી તે જ જોયા કરે છે.
(પોતાની ભુલો જોવા માટે તેઓ સમય ક્યારે મેળવશે????)

અરુણાચલ સ્તુતિ (૬૮) – શ્રી રમણ મહર્ષિ