Daily Archives: 20/05/2010

એકડો સાવ સળેખડો – રમેશ પારેખ

મિત્રો,
સ્વર્ગસ્થ કવિ શ્રી રમેશ પારેખે માત્ર ઉંડાણ પૂર્વકની ગઝલો જ લખી છે તેવું નથી. તેમણે બાળગીતો પણ લખ્યાં છે. સાવ હજુ તો શાળાએ જવાનો પહેલો જ દિવસ હોય અને ફુલ જેવું બાળક ગભરાતું ગભરાતું શાળાના વર્ગમાં છાનુ છપનું શીક્ષક સામે જોઈને નવું નવું શીખતું હોય અને જેવા ટીચર હોય તે પ્રમાણે તે ખીલતું કે શરમાતું હોય. તો તેવા એક દ્રશ્યને આજે આપણે અહિં માણશું. તો ચાલો નિશાળે…


એકડો સાવ સળેખડો ને બગડો ડીલે તગડો,
બંન્ને બથ્થંબથ્થા કરતા મોટો ઝઘડો.

તગડો તાળી પાડે ને નાચે તા તા થૈ,
ચોગડાની ઢીલી ચડ્ડી સરરર ઊતરી ગઈ.

પાંચડો પેંડા ખાતો એની છગડો તાણે ચોટી,
સાતડો છાનો માનો એની લઈ ગયો લંગોટી.

આઠડાને ધક્કો મારી નવડો કહેતો ખસ,
એકડે મીંડે દસ વાગ્યા, ત્યાં આવી સ્કૂલ ની બસ.


આ એક જ બાળગીત જુદી જુદી શાળામાં કેવી રીતે શીખવાડાય છે તે પણ આપણે તેની નીચેની લિન્ક ને આધારે માણશુ.

http://sulabhgurjari.com/?p=294

http://webmehfil.com/?p=2137

http://tahuko.com/?p=560

http://www.mitixa.com/2009/301.htm

http://drmanwish.blogspot.com/2008/07/blog-post_06.html

http://sapan99.blogspot.com/2007/11/school-days.html

http://www.rameshparekh.in/balkavyo.html

http://aksharnaad.com/2008/04/26/balgeet-by-ramesh-parekh/


આ ઉપરાંત ઘણી બધી શાળાઓમાં આ બાળગીત શીખવાડાઈ રહ્યું છે. નાનપણમાં જે ખંત પુર્વક અભ્યાસ કરે છે તેની જીવનમાં સફળ થવાની પુરી શક્યતા રહે છે તો ચાલો હવે ખંત પુર્વક અભ્યાસ શરુ કરીએ.

Categories: ભજન / પદ / ગીત / કાવ્ય / ગઝલ | Tags: | Leave a comment

સદાચાર સ્તોત્ર (52)

સદાચાર સ્તોત્ર: આદિ શંકારાચાર્યજી મહારાજ
ભાવાર્થદીપિકા ટીકા: શ્રીમન્નથુરામ શર્માજી મહારાજ

હવે વાસ્તવિક ગૃહસ્થ કોને કહેવો તે જણાવે છે:

ગૃહસ્થો ગુણમધ્યસ્થ: શરીરં ગૃહમુચ્યતે |
ગુણા: કુર્વન્તિ કર્માણિ નાહં કર્તેતિ બુદ્ધિમાન ||૫૨||

શ્લોકાર્થ: જે ગુણોમાં મધ્યસ્થ: તે ગૃહસ્થ છે. શરીર ઘર કહેવાય છે. ગુણો કર્મો કરે છે, હું કર્તા નથી, એમ બુદ્ધિમાન સમજે છે.

ટીકા: જે શરીર, ઈંદ્રિયો, પ્રાણો, અંત:કરણ ને આ જગતરૂપ ગુણોનાં કાર્યોમાં રાગદ્વેષ રહિત રહે છે તે ગૃહસ્થ કહેવાય છે. આ પ્રતીત થતું સ્થુલ શરીર, તેની અંતર રહેલું સૂક્ષ્મશરીર, ને તેની અંતર રહેલું કારણ શરીર ગૃહસ્થનું આત્મસ્વરૂપને જાણનાર જ્ઞાનીનું ઘર કહેવાય છે. સત્ત્વગુણ, રજોગુણ ને તમોગુણના કાર્યરૂપ અંત:કરણ, પ્રાણો, ઈંદ્રિયો ને શરીર આ સર્વ કર્મો કરે છે, હું અસંગ ને અપરિણામી આત્મા કાંઈ પણ કર્મ કરતો નથી એમ જ્ઞાની (તે ગૃહસ્થ) સમજે છે.

Categories: સદાચાર સ્તોત્ર | Tags: , | Leave a comment

Create a free website or blog at WordPress.com.