રાગ: મઢીમાં સાધુ
અનેકમાં મારો એક જ આત્મા, સરખો બીરાજે ભાઈ
રાખવી કોનાથી સાચી સગાઈ, રાખવી કોનાથી સાચી સગાઈ …(૧)
આસક્ત થયો હું મારા સ્વરૂપમાં, મને દ્વૈત જરા ન દેખાય
કોનો કરુ તીરસ્કાર જગતમાં, કરુ કોનાથી પ્રીતી ભાઈ – રાખવી … (૨)
નામી અનામીમાં મુજને ભાળું, મેદની આખુ સ્વરૂપ મારુ લાગે
એકાંતરૂપી અરણ્ય હું માણું, કોલાહલનો ક્લેશ ન લાગે – રાખવી ….(૩)
કોઇ નથી મારે દુશ્મન આ જગમાં, નથી કોઈ દોસ્ત મારે
કોને કોને તરછોડવા જગમાં, કોને ચુંબન કરવા ગાલે – રાખવી ….(૪)
કોને કહેવાં ખરાબ મારે, મને કોઈ પરાયા ન લાગે
નાથાભગત કહે મુજમાં મસ્ત થયો, જ્યાં જોવુ ત્યાં સ્વરૂપ મારુ લાગે – રાખવી ….(૫)
ભજનામૃત + અમૃતવાણી 
“કોને કહેવાં ખરાબ મારે, મને કોઈ પરાયા ન લાગે
નાથાભગત કહે મુજમાં મસ્ત થયો, જ્યાં જોવુ ત્યાં સ્વરૂપ મારુ લાગે”
બસ આટલું એક સમજાય તો ઘણું છે… આ લવણયુક્ત સંસારસાગરમાં રહેલું ’મીઠું’ પણ ’મીઠું’ થઇ જાય !
ઉત્તમ દર્શન – સરળ શબ્દોમાં. ’Low living and High thinking’. આભાર.
NATHABHAGAT KHE MUJMA MAST THYO, JYA JOVU TYA SVRUP TUJ DEKHY EMA HU N BACHYO,TO BACHYO KON? BATVO