આગંતુક તુ છો અજાણ્યો

ખોટો ખોટો નફો અને ખોટી ખોટી ખોટ
ખોટી ખોટી ભરતી અને ખોટી ખોટી ઓટ.

ખોટો ખોટો શોક અને ખોટો ખોટો મોહ
ખોટા સઘળા પાખંડીઓ, ખોટું સઘળું ઓહ.

આગંતુક તુ છો અજાણ્યો, જ્ઞાની પાસે રસ્તો માગ
ખોટા ખોટા જગતને તું ખરા હ્રદયથી ત્યાગ.

Categories: ચિંતન, ભજન / પદ / ગીત / કાવ્ય / ગઝલ | Tags: | 23 Comments

Post navigation

23 thoughts on “આગંતુક તુ છો અજાણ્યો

  1. કલ્પેશ

    છેલ્લી પંક્તિમાં આગંતુક શબ્દ વાંચીને લાગે છે કે આ તમારી સ્વરચિત કૃતિ છે. ખરું ને?

    • હા કલ્પેશભાઈ, ક્યારેક લખવાનો પ્રયત્ન કરુ છું.

  2. આંગતુક તું છે અજાણ્યો,ખોટા સાચા ની ચિંતા છોડ.
    જગત પણ બનાવેલ છે પરમાત્માએ,માટે ત્યાગ ની વાત છોડ.
    જ્ઞાની પાસે રસ્તો માગીશ પણ ચાલવાનું તો તારેજ છે.માટે ફક્ત જાગવાની વાત કર.ખોટા જ્ઞાની ભટકાઈ જશે તો ખોટા રસ્તે ચડી જવાનો ભય છે.”અપ્પ દીપ્પ ભવ”

    • જ્યારે સાચુ શું અને ખોટું શું તેવું વિવેકભાન થાય ત્યારે સાચો જ્ઞાની કોણ અને ખોટો દંભી કોણ તેનું પણ વિવેકભાન સાથે સાથે જ થાય છે. એક જ્ઞાની અહીં જમણી બાજુમાં “વિજેટ” શોભાવે છે. “જ્ઞાનં જ્ઞાનવતામહમ” વાકયની નીચે. મને લાગે છે કે તેમના જ્ઞાનમાં આપને શંકા નહીં જ હોય. જેનો વિજ્ઞાનમય કોષ ખુબ જ વિકસીત હોય તે જ અપ્પ દિપો ભવી શકે છે. બુદ્ધનો વિજ્ઞાનમય કોષ તો ખુબ જ વિકસીત હતો જ્યારે સામાન્ય માનવીઓનો અન્નમય, પ્રાણમય અને મનોમય કોષ પણ પુરો વિકસેલ નથી હોતો ત્યાં વળી વિજ્ઞાનમય કોષના વિકાસની તો ક્લ્પના જ કેમ કરવી? તેથી જ્ઞાની પાસે રસ્તો માગવાની આવશ્યકતા છે. વળી વાસ્તવમાં ત્યાગ થઈ શકતો નથી, માત્ર જ્ઞાન જ થાય કે બુદ્ધિ તે બુદ્ધિ છે અને આત્મા તે આત્મા છે અને આ બંને એકબીજાથી અસંગ છે અને આ ભાન થતાં જગતનો નાશ ન થાય પણ બાધ થાય. જેવી રીતે ફીલ્મ જોતા હોઈએ અને ભાન થાય કે આ તો માત્ર પ્રકાશ છે, દ્રશ્યો બધા તો માત્ર પ્રતિબિંબ છે તેવી રીતે આ જગત તો માત્ર ચૈતન્યનું પ્રતિબિંબ છે અને તેમાં ચૈતન્ય સિવાય અન્ય કશું જ નથી. ત્યારે ફીલ્મ ચાલતું બંધ ન થાય પણ ફીલ્મના દ્રશ્યો સાથે હસવા રડવાનું બંધ થાય.

      • કલ્પેશ

        અતુલભાઈ,

        હું તમને કઈ શિખવાડી શકતો નથી પણ એક નાની ભૂલ સુધરીશ.
        આશા છે તમે એને હકારાત્મક દ્રષ્ટિથી જોશો.

        જેમ Fridge = ફ્રીજ
        Widget = વિજેટ અથવા વિજીટ (ઝડપથી બોલીએ તો)
        Gadget = ગેજેટ

        મારી બહેન અંગ્રજી વાંચતી હોય અને કોઈ વાર ભૂલ થાય (ઉચ્ચારમાં) તો હું એને સમજાવું છું.
        ઘણી વખત મારી ભૂલ પણ થાય છે પણ ત્યારે હું dictionary.com કે એવા કોઈ મૂળ સ્ત્રોત જોઈ લઉ છું.

        આભાર.

        • આભાર કલ્પેશભાઈ,
          મને તો અંગ્રેજી માંડ માંડ સમજાય છે, પણ આ વિજેટ ને ગુજરાતીમાં શું કહેવું તે આવડ્યું નહીં એટલે વિડગેટ લખી નાખ્યું. જેવું અંગ્રેજો હિન્દી બોલતા તેવું હું અંગ્રેજી બોલુ છું. જેમ કે સિંધુ નદીને આ કીનારે રહેતા લોકોને શું કહેવું તે ખબર ન પડી એટલે તેમણે તેને હિન્દુ કહી દીધું અને જોવાની ખુબી તો એ છે કે ગુલામીની માનસીકતામાં આપણે તે સ્વીકારી પણ લીધું. લ્યો પાછો આડે પાટે ચડી ગયો પણ આમ શીખતા શીખતા ધીરે ધીરે આવડી જશે તેમ લાગે છે.

          • બહુજ સાચ્ચું કહ્યું!!!
            સિંધુનું હિંદુ તેમજ સિંધુનું,
            હિન્દુનું ઇન્દુ, અને તેમાંથી વાળી ઇન્ડુસ=(indus) જે કાળક્રમે India થયું!!

            UPSCનો વિદ્યાર્થી છુ તો આટલું જાણી આનંદ થયો કે જેના માટે મારે થોથા વાંચવા પડે છે તેને કેટલાક વિદ્વાન લોકો કોમેન્ટ માં લખી નાખી છે..!!!! (એ બી આડા પાટે ) તો જરૂર થી તમારું જ્ઞાન બહુ ઊંચું હસે!

        • અને હા જ્યાં સુધી મારા જેવા લોકો છે ત્યાં સુધી ગુજરાતી ભાષા બચી જ જવાની છે. બોલો અમે બરાબર અંગ્રેજી ન જાણીને માતૃભાષાની સેવા નથી કરતા?

          • સાદા શબ્દોમાં તમે બહુ બધું કહી દીધું.
            પણ મારી ઈચ્છા એવી હતી કે આનો અંત લોકો તાણ નાં લે એવા અર્થમાં થાય.

            આગંતુક તુ છો અજાણ્યો, જ્ઞાની પાસે રસ્તો જાણ,
            મિથ્યા એવા જગતને તું ખરા હ્રદયથી માણ.
            like (all is well)!!!

            • હા તે રસ્તો વધારે સારો અને સરળ છે અને બંને રસ્તા એક જ સ્થાને પહોંચાડે છે. આપ જે કહો છો તે ભગવદ ગીતાનો કર્મયોગ છે અને મેં જે વાત કરી તે ભગવદ ગીતાનો સાંખ્ય યોગ છે. બંને એક જ સ્થાને પહોંચાડતા હોવા છતાં શ્રીકૃષ્ણ પણ કર્મયોગ ઉપર વધારે ભાર મુકે છે. કર્મયોગમાં માણસ ચૂકે તો પણ તેના હાથમાંથી જગત જતું નથી જ્યારે સાંખ્ય માર્ગમાં ચૂક્યો એટલે નહીં અહીં નો કે નહીં તહીનો જેમ કે ધોબી શ્વાન ન ઘરનો કે ન ઘાટનો.

              પણ કર્મયોગમાં જગત સત્ય થઈ જવાની સંભાવના પુરે પુરી છે.

    • અમે જેમ ક્યારેક તલવાર હાથમાં લેવા મંડ્યા છીએ તેમ તમેય ક્યારેક કવિતાઓ કરવા માંડ્યા ખરા. સંગની અસર બંને બાજુ થાય છે જેમ ’અસર’ ની અસર ચારે બાજુ થાય છે તેમ.

  3. તમારી આ રચના ગમી. લખતા રહો.

  4. અશોક મોઢવાડીયા

    “ખોટા ખોટા ઉધામા અને ખોટો કકળાટ !
    બંદો એ ફાવી ગયો, જેને મળી સાચી વાટ !”
    અરે અતુલભાઇ, આ ક્યાં કવિતાના પાટે અમને (બાપુને પણ ?) ચડાવો છો !!
    જો કે આ બે લીટી વિચારી તો પણ મજા ભારે આવી. બસ એક તમારી છેલ્લી લીટી હમણાં મુલતવી રાખશો !!!
    સ_રસ, આભાર.

    • બાપુઓની કવિતા માણવાની મજા આવી.

      બાપુજી હંમેશા કહેતા કે પ્રકૃતિ એટલે અભ્યાસ. જે પણ બાબતનો આપણે અભ્યાસ કરીએ તેવી આપણી પ્રકૃતિ બનતી જાય છે. એટલે જ સંગનો મહિમા ઘણો છે. આ જુઓને બુદ્ધિનો સતત સંગ કરીને આપણે ચૈતન્ય રૂપ આત્મા હોવા છતાં પ્રાકૃતિક વર્તન નથી કરવા લાગ્યા?

  5. સરસ રચના! અતુલ રચના!

    આપ એક સુજ્ઞ વિચારક છો. આપના વિચારો જાણવાની મજા આવે.

    સાચું જ કહ્યું છે આપે.
    ખોટા ખોટા જગતને તું ખરા હ્રદયથી ત્યાગ.

    પણ ત્યાગી નથી શકાતું.
    એમ તો કહ્યું જ છે ને કે,
    तेन त्यक्तेन भुंजिथा॥
    ત્યાગ એટલો સરળ નથી, સહજ નથી.

    • શ્રી નટવરભાઈ,

      આપની વાત સાચી છે, ત્યાગ સરળતાથી થઈ નથી શકતો. આપની કોમેન્ટ એપ્રુવ કરવાની જ રહી ગઈ હતી. આજે ઘણા વખતે ધ્યાન ગયું.

  6. ૧ વાર વધુ મસ્ત કવિતા ….!!

  7. ખૂબ સરસ.

    • આભાર હીનાબહેન, ઘણાં વખતે તમારી હાજરી દેખાણી.

  8. ખોટું ખોટું કરી જીવનની એક મોટી અને સાચી વાત કહી દીધી. લખતા રહેજો અતુલભાઈ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

%d bloggers like this: