રાગઃ- પારકો આજો દીલમાં ન આણીએ
હરીજન વીરલા આવો રે સંતો મુખે સ્વાતુ ઝરેરે હોજી
ઝરમર ઝરમર વરસે મધુરા મેઘ
છીપમાંહે મોતી રે અમૂલખ નીપજે રે હોજી –ટેક
જીરે સંતો મારા હરિજન હીરલાના હાટડાં હોજી
મારા હરિજન હીરલા વોરે હીરા હીરાલાલ
ઝવેરી મળે તોરે કરે એના પારખાં –1
જીરે સંતો મારા હરીજન માન સરોવડા રે હોજી
મારા હરિજન હંસા બેસે સરોવર પાળ
મોતીડાં ચણેરે સવા સવા લાખનાં –2
જીરે સંતો મારા હરિજન ફૂલેલ ફૂલવાડી રે હોજી
મારા હરિજન ભમરા સુગંધ લેત સવાઇ
સ્વાદ અનેરો રે સુંઘે એને સાંપડે હોજી –3
જીરે સંતો સ્વાતીલાં સજ્જન અમને જો મળે હોજી
પ્રેમરસ પીએ ને અમને પાય
દાસના દાસ રે ભજનપ્રકાશ બોલીયા રે –4
ભજનામૃત + અમૃતવાણી 