રાગઃ- (પ્રભાતી) કાળી કાળી કામળીવાળો
હું ગોવાલણ કાનુડા તારી મેં પ્રિતડી જોડી રે –ટેક
સોનલા છેડે પ્રેમ પટોળીમેં, ઓઢણી ઓઢી રે
હું ગોવાલણ ગોકુલની, રાધાકૃષ્ણની જોડી રે –1
મોટે મચકે મોહનને, હું મળવા દોડી રે
ગાયને ગોંદરે નિરખી, રામકૃષ્ણની જોડી રે –2
જીવન જોવા જસોડા ઘેરે, મારે જાવું દોડી રે
નંદલાલને નિરખવા, મારે ઘડી ઘડી રે –3
દુઃખના દાડા દૂર થયા, મારે સુખની પોળી રે
શ્યામસંગે સુખ સવાયાં, ભજનપ્રકાશ આનંદ હોળી રે –4
ભજનામૃત + અમૃતવાણી 