રાગઃ- જગત છે ઝાંઝવાનું પાણી
નાથ તારી અકળતી માયા, એનો પાર કીસે ન પાયા –ટેક
પવન પાણી પૃથ્વી આકાશ, બનાવ બહુ બનાયા
ચંદ્ર સૂરજ નવલખ તારા, થંભ વિણ ઠેરાયા –1
નિર્ગુણ બ્રહ્મ અદ્વૈત અવિનાશી, એકથી અનેક ઉપાયા
જીવ શિવ તણો ભેદ મીટે નહીં, અટપટા ખેલ બનાયા –2
એક પિતાના લાડકવાયા, એના વિધ વિધ ખેલ લખાયા
એક જ્ઞાની અને એક અજ્ઞાની, એક રંક એક રાયા –3
તારી માયાનો પાર ન પાવે, મહાજ્ઞાની મુંઝાયા
ભજનપ્રકાશ આ મિથ્યા સ્વપ્નું, અસતમાં સૌ અટવાયા –4
ભજનામૃત + અમૃતવાણી 