રાગઃ લોયણના ભજનનો
જીરે સંતો અધ્યાત્મ જ્ઞાને કરી અંતર ગાળો જીરે
ત્યાં મૂલે તપાસો જોને માયા હાં
જીરે સંતો એક છે આસુરી બીજી છે સુરી હોજી
જેથી જગત દ્વૈત રચાયાં હાં
જીરે સંતો આસુરીથી અજ્ઞાન અતિ ઉર ઉપજે જીરે
વધે દંભ મોહ માયા હાં
જીરે સંતો આનંદ ઉપજાવી શાંતિ થાવે જી હોજી
સુરી કરે સુખ છાંયા હાં
જીરે સંતો ત્રિગુણી માયામાં આ જગત બંધાણું જી
જેનાથી ત્રણ લોક રચાયાં હાં
જીરે સંતો જીવની જાતો ઘણો ભવસાગર ભટકેજી
ફેર ફેર જનમ મરણ પાયાં હાં
જીરે સંતો આસુરી માયાને જ્યારે દૈવી જીતેજી
ત્યારે નહીં અભિમાન સ્પર્શાયા હાં
જીરે સંતો કહે રે ભજનપ્રકાશ જે નર જ્ઞાને ગળિયા
અહં મમ માયા નહીં એને ખાયા હાં.
ભજનામૃત + અમૃતવાણી 