Daily Archives: 14/10/2008

એજી ક્યાંથી પંખી આપણે આવ્યા – (14)

રાગઃ- જગમાં વેરી એનું કોઇ નહી


 

એજી ક્યાંથી પંખી આપણે આવ્યા, ક્યાં આવી કીયા તે વાસા
કોણ રે તરુવર તે કીધા બેસણા,કોણ ફળ ચુગ ચુગ ખાસા-ટેક

અમર લોકથી આપણે આવ્યા, મૃત્યું લોક કીયા વાસા
સંસાર તરુવર તે કીધા બેસણાં,નિશ્ચય નહીં ત્યાં નિવાસા –1

તારૂં રે તરુવર તને વેડશે, મુકી દે માળાની માયા
ઉડીજા તુ બ્રહ્મ અવિનાશમાં, છોડી તરુવરની છાયા –2

ફળ રે ખાધાને લીધો છાંયડો, વિશ્રામ કર્યો કરી વિશ્વાસા
પારાધી રહ્યો જાળ પાથરી, તજી દે તું તરુવરની આશા –3

અવિનાશી તારો આતમો, કાયા જાવાની કરમાઇ
ભજનપ્રકાશ ભજન ભગવાનનું, પૂરણ કરીલે કમાઇ –4

Categories: ભજન / પદ / ગીત / કાવ્ય / ગઝલ | Leave a comment

એવું સમજાય ક્યાંથી સાચું રે – (13)

એવું સમજાય ક્યાંથી સાચું રે, ભીતરમાં જેને ભ્રાંતિ ભરી   
એને ઉપદેશ ઉર ન આવે રે, બુધ્ધિ જેની ખરને વરી –ટેક

સાખીઃ- અજ્ઞાની નરને અજ્ઞાન ઘણું, આપદા અંતર અપાર
સો સો વાતુએ સમજાવીએ, તોયે સમજે નહીં લગાર
એવું કાજળ ધોયે કાળું રે, ધોળપ ન આવે કેમે કરી –1

સાખીઃ- એવો કામી જુવાનને કૂતરો, એને મુખે નહીં નાક
ઘર ઘર ભટકે ઘણો, મુખે ખાતો લાત
એવા લાલચુને નહીં લાજુ રે, વૃત્તિ જેની વિષય ભરી –2

સાખીઃ- કામી ક્રોધી લાલચુને, ન હોય વૈરાગ્યની વાત
જ્ઞાન આપીએ ગમારને તો, ગાંડામાં ગણાત
એવો પ્રમોદ શું કરે પામરને, વિષયમાં વૃતિ ખૂતી ખરી –3

સાખીઃ- જ્ઞાની કો જ્ઞાની મીલે તો, કરે વડી વાત
મૂરખ કો મૂરખ મીલે તો, આવે લાતોલાત
એવો ભજનપ્રકાશનો પ્રભુ મોંઘો રે,જીવન સાટે ખરીદ કરી –4

Categories: ભજન / પદ / ગીત / કાવ્ય / ગઝલ | Leave a comment

Create a free website or blog at WordPress.com.