રાગઃ- સારંગ
બેડી મારી બુડન મત દે,
તું છો મારી નૈયાનો તારણહાર –ટેક
જાગી મેં જોયું આ સંસાર,
નહીં કોઇ આમાં ઉગારનહાર –1
સાગરમેં ન મીલે કોઇ સહાર,
પ્રભુ મને એક તારો આધાર –2
બુડન બુડન લાગે નૈયા આવાર,
શામળિયાં સુકાની થઇને સંભાળ –3
બૂજ્યો મારો દીપને હુવો અંધકાર,
દીશા નવ સૂઝે પેલી પાર –4
તોફાન કરી મારે સાગર માર,
વાયે વાય વંટોળ વહેવાર –5
તૂટ્યા મારી સઢ કેરા તાર,
તૂટ્યા નાડા નાવના આધાર –6
કેશવ મને કિનારો બતાવ,
આવી મારી નાવને હંકાર –7
જાવું મારે સાગરની પેલી પાર,
તું છો મારી નૈયાનો તારણહાર –8
ભરોસો ભજનપ્રકાશ જગદાધાર,
બૂડતાંની બાંય ગ્રહો આવાર –9
ભજનામૃત + અમૃતવાણી 